കൊല്‍ക്കത്ത: രാജ്യത്ത് ക്രമാതീതമായി പാചക വാതക വില വർധിക്കുന്നതിന് എതിരെ സ്‌ത്രീകളെ രംഗത്തിറക്കാൻ തൃണമൂല്‍ കോണ്‍ഗ്രസ്. പശ്‌ചിമ ബംഗാൾ മുഖ്യമന്ത്രി മമത ബാനര്‍ജി നയിക്കുന്ന പദയാത്രയിലാണ് സ്‌ത്രീകള്‍ അണിനിരക്കുക. മാര്‍ച്ച് 7നാണ് പദയാത്ര. ഡാര്‍ജലിംഗ്, സിലിഗുരി പ്രദേശങ്ങളിലാണ് പദയാത്ര സംഘടിപ്പിക്കുകയെന്ന് തൃണമൂല്‍ നേതാവ് ചന്ദ്രിമ ഭട്ടാചാര്യ അറിയിച്ചു.
അതേസമയം, ബിജെപിയെ ബംഗാളിലേക്ക് അടുപ്പിക്കാതിരിക്കാൻ നിയമസഭാ തിരഞ്ഞെടുപ്പില്‍ തൃണമൂല്‍ കോണ്‍ഗ്രസിന് പിന്തുണ നല്‍കുമെന്ന് ശിവസേന വൃത്തങ്ങള്‍ അറിയിച്ചു. ബംഗാള്‍ തിരഞ്ഞെടുപ്പില്‍ ഇത്തവണ മമതാ ബാനര്‍ജിക്കെതിരെ മൽസരിക്കാനില്ലെന്ന് ശിവസേന നേതാവ് സഞ്‌ജയ് റാവത്ത് പറഞ്ഞു. തിരഞ്ഞെടുപ്പില്‍ തീര്‍ച്ചയായും മമത വിജയിക്കണമെന്നാണ് ശിവസേന ആഗ്രഹിക്കുന്നതെന്നും റാവത്ത് വ്യക്‌തമാക്കി.
Read also: മെയ് 3ന് ബംഗാളിന് ആദ്യത്തെ ബിജെപി മുഖ്യമന്ത്രിയെ ലഭിക്കും; തേജസ്വി സൂര്യ
