ന്യൂഡെൽഹി: രാജ്യത്ത് കോവിഡിന്റെ രണ്ടാം തരംഗമെന്ന് കേന്ദ്ര സർക്കാർ. മഹാരാഷ്‌ട്രയിൽ രോഗികളുടെ എണ്ണം വൻതോതിൽ ഉയരുന്നത് ഇതിന്റെ സൂചനയാണെന്നും കേന്ദ്രം ചൂണ്ടിക്കാട്ടി. ഇതുമായി ബന്ധപ്പെട്ട് മഹാരാഷ്‌ട്ര ചീഫ് സെക്രട്ടറിക്ക് കേന്ദ്ര ആരോഗ്യ സെക്രട്ടറി രാജേഷ് ഭൂഷൺ കത്തയച്ചു. കേന്ദ്ര സംഘത്തെ സംസ്‌ഥാനത്തേക്ക് അയക്കുമെന്ന് ആരോഗ്യ സെക്രട്ടറി കത്തിൽ വ്യക്‌തമാക്കിയിട്ടുണ്ട്.
കോവിഡ് വ്യാപനം തടയാൻ കർശന നടപടികൾ സ്വീകരിക്കണമെന്ന് മഹാരാഷ്‌ട്ര സർക്കാരിനോട് കേന്ദ്രം ആവശ്യപ്പെട്ടിട്ടുണ്ട്. പരിശോധനകളുടെ എണ്ണം വർധിപ്പിക്കണമെന്നും ക്വാറന്റെയ്ൻ കൂടുതൽ ശക്‌തമാക്കണമെന്നും കേന്ദ്ര സർക്കാർ സംസ്‌ഥാനത്തോട് നിർദേശിച്ചിട്ടുണ്ട്. നിലവിൽ സംസ്‌ഥാനത്തെ കോവിഡ് പ്രതിരോധ പ്രവർത്തനങ്ങളിൽ പോരായ്‌മയുണ്ടെന്നും കേന്ദ്രം ചൂണ്ടിക്കാട്ടി. കോവിഡ് കേസുകൾ കൂടുതലായി റിപ്പോർട് ചെയ്യുന്നിടങ്ങളിൽ കൂടുതൽ പേർക്ക് വാക്‌സിൻ വിതരണം ചെയ്യണമെന്നും കേന്ദ്ര സർക്കാർ മഹാരാഷ്‌ട്രയോട് നിർദേശിച്ചിട്ടുണ്ട്.
Read also: ബിജെപി പ്രചാരണ വാഹനം തകർത്തു; പിന്നിൽ തൃണമൂലെന്ന് ആരോപണം
