കണ്ണൂർ: കണ്ണൂർ സെൻട്രൽ ജയിലിൽ 83 പേർക്ക് കൂടി രോഗം സ്‌ഥിരീകരിച്ചു. ഇതോടെ ജയിലിലെ മൊത്തം കോവിഡ് രോഗികളുടെ എണ്ണം 154 ആയി. ഏപ്രിൽ 20 മുതൽ നാലു ദിവസമായി ജയിലിൽ ആർടിപിസിആർ പരിശോധന നടത്തിയിരുന്നു.
ഇതിൽ ആദ്യ ദിവസത്തെ ഫലം വന്നപ്പോൾ 71 പേർക്ക് കോവിഡ് സ്‌ഥിരീകരിച്ചിരുന്നു. രണ്ടാം ദിവസത്തെ ഫലം പുറത്തു വന്നപ്പോഴാണ് 83 പേർക്ക് കൂടി രോഗം സ്‌ഥിരീകരിച്ചത്. പത്ത് ജീവനക്കാർക്ക് അടക്കമാണ് രോഗം സ്‌ഥിരീകരിച്ചത്. തടവുകാരും ജീവനക്കാരുമടക്കം ആകെ 1050 പേരാണ് ജയിലിൽ ഉള്ളത്.
പരിശോധനയുടെ മുഴുവൻ ഫലവും പുറത്തു വന്നിട്ടില്ല. അതുകൊണ്ടു തന്നെ കൂടുതൽ പേർക്ക് രോഗം സ്‌ഥിരീകരിക്കാനാണ് സാധ്യത. ഇതുവരെ രോഗം സ്‌ഥിരീകരിച്ചവരെ ഒരു ബ്ളോക്കിലേക്ക് മാറ്റാനുള്ള നീക്കത്തിലാണ് അധികൃതർ.
Read Also: രാഷ്‌ട്രീയ പ്രവർത്തനം മാറ്റിവച്ച് ജനങ്ങളെ സഹായിക്കൂ; കോൺഗ്രസ്‌ പ്രവർത്തകരോട് രാഹുൽ
