കോഴിക്കോട്: കോഴിക്കോട് സൗത്തില് മൂന്ന് കൗണ്ടിംഗ് ഏജന്റുമാര്ക്ക് കോവിഡ് സ്ഥിരീകരിച്ചു. വോട്ടെണ്ണല് കേന്ദ്രത്തില് വെച്ച് നടത്തിയ പരിശോധനയിലാണ് കോവിഡ് സ്ഥിരീകരിച്ചത്. അതീവ ജാഗ്രതയിലാണ് അധികൃതര്.
അതേസമയം നിയമസഭാ തിരഞ്ഞെടുപ്പ് വോട്ടെണ്ണൽ ആരംഭിച്ചു തുടങ്ങി. തപാല് വോട്ടുകളാണ് എണ്ണിത്തുടങ്ങിയത്. എട്ടരയോടുകൂടി ആദ്യ ഫലസൂചനകള് പുറത്തുവരും. കർശന കോവിഡ് ജാഗ്രതയിലാണ് വോട്ടെണ്ണൽ നടക്കുന്നത്.
48 മണിക്കൂറിനുള്ളില് ആര്ടിപിസിആര്, ആന്റിജന് ടെസ്റ്റ് നടത്തി കോവിഡ് നെഗറ്റീവ് സര്ട്ടിഫിക്കറ്റ് ഉള്ളവരേയോ രണ്ട് ഡോസ് എടുത്ത സര്ട്ടിഫിക്കറ്റ് ഉള്ളവരെയോ മാത്രമേ കൗണ്ടിംഗ് ഹാളിലേക്ക് കയറ്റൂ. ഒരു ടേബിളില് രണ്ട് ഏജന്റുമാരുടെ നടുക്ക് ഇരിക്കുന്ന ഏജന്റ് പിപിഇ കിറ്റ് ധരിക്കണം തുടങ്ങിയവയാണ് നിർദ്ദേശങ്ങൾ.
Read Also: ഉപതിരഞ്ഞെടുപ്പ് ഫലം തേടി മലപ്പുറം ലോക്സഭാ മണ്ഡലം; ദേശീയ പോരാട്ടം