അബുദാബി: യുഎഇയില് ഇന്ന് 1,614 പേര്ക്ക് കൂടി കോവിഡ് സ്ഥിരീകരിച്ചതായി ആരോഗ്യ- പ്രതിരോധ മന്ത്രാലയം അറിയിച്ചു. ചികിൽസയിലായിരുന്ന 6,000 പേര് രോഗമുക്തി നേടി. രണ്ട് പുതിയ കോവിഡ് മരണങ്ങള് കൂടി രാജ്യത്ത് ഇന്ന് റിപ്പോർട് ചെയ്തു.
കഴിഞ്ഞ 24 മണിക്കൂറിനിടെ നടത്തിയ 1,77,688 കോവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഔദ്യോഗിക കണക്കുകള് പ്രകാരം 5,39,138 പേര്ക്ക് ഇതുവരെ യുഎഇയില് കോവിഡ് സ്ഥിരീകരിച്ചിട്ടുണ്ട്. ഇവരില് 5,19,405 പേര് സുഖം പ്രാപിച്ചു. 1,617 കോവിഡ് മരണങ്ങളാണ് ഇതുവരെ റിപ്പോർട് ചെയ്യപ്പെട്ടത്. നിലവില് 18,116 സജീവ രോഗികള് യുഎഇയില് ഉണ്ടെന്നാണ് ഔദ്യോഗിക കണക്ക്.
Also Read: സൗദിയിൽ വിമാനത്താവളത്തിന് നേരെ ഡ്രോണ് ആക്രമണം; ചെറുത്ത് സഖ്യസേന