ന്യൂഡെൽഹി: പ്രധാനമന്ത്രി നരേന്ദ്രമോദി വിളിച്ച കേന്ദ്രമന്ത്രിമാരുടെ കോവിഡ് അവലോകന യോഗം നടന്നു. രാജ്യത്ത് കോവിഡ് ബാധിച്ച് ചികിൽസയില് കഴിയുന്നവരുടെ എണ്ണം ആറ് ലക്ഷത്തിലേക്ക് എത്തിയ സാഹചര്യത്തിലാണ് യോഗം ചേർന്നത്. സംസ്ഥാനങ്ങളിലെ കോവിഡ് സാഹചര്യവും പ്രതിരോധത്തിനായുള്ള ക്രമീകരണങ്ങളും വിലയിരുത്തി. പ്രധാനമന്ത്രിയുടെ അധ്യക്ഷതയില് ചേരുന്ന യോഗത്തില് കേന്ദ്ര ആരോഗ്യമന്ത്രി, കേന്ദ്ര ആഭ്യന്തരമന്ത്രി അമിത് ഷാ എന്നിവരും പങ്കെടുത്തു.
കൂടാതെ, സംസ്ഥാനങ്ങളുടെ കോവിഡ് അവലോകന യോഗം നാളെ ചേരും. രാവിലെ 11 മണിക്കാണ് യോഗം ചേരുക. കൂടുതൽ നിയന്ത്രങ്ങൾ കൊണ്ടുവരുന്നത് ചർച്ചയാകും. അടിയന്തര സാഹചര്യം ഉണ്ടായാല് നേരിടാന് പ്രാപ്തമായിരിക്കണമെന്നും ഓക്സിജൻ ലഭ്യത ഉറപ്പ് വരുത്തണമെന്നും ആരോഗ്യമന്ത്രാലയം സംസ്ഥാനങ്ങളോട് കഴിഞ്ഞ ദിവസം നിർദ്ദേശിച്ചിരുന്നു.
Also Read: അന്വേഷണ ഉദ്യോഗസ്ഥരെ അപായപ്പെടുത്താൻ പദ്ധതിയിട്ടു; ദിലീപിനെതിരെ പുതിയ കേസ്