കൊച്ചി: നടന് മമ്മൂട്ടിയ്ക്ക് കോവിഡ് സ്ഥിരീകരിച്ചു. കെ മധു സംവിധാനം ചെയ്യുന്ന സിബിഐ സിരീസിലെ അഞ്ചാം ചിത്രത്തിന്റെ ഷൂട്ടിംഗിൽ പങ്കെടുത്തു കൊണ്ടിരിക്കുക ആയിരുന്നു മമ്മൂട്ടി. ഇന്നലെ രാത്രി നേരിയ ജലദോഷവും തൊണ്ടവേദനയും അനുഭവപ്പെട്ടതിനെ തുടര്ന്ന് നടത്തിയ പരിശോധനയിലാണ് കോവിഡ് ആണെന്ന് സ്ഥിരീകരിച്ചത്. മമ്മൂട്ടി പൂര്ണ ആരോഗ്യവാനാണെന്ന് ഡോക്ടര്മാര് വ്യക്തമാക്കി. നിലവില് കൊച്ചിയിലെ വീട്ടില് വിശ്രമത്തിലാണ് അദ്ദേഹം.
ഇതോടെ ‘സിബിഐ 5‘ന്റെ ചിത്രീകരണം രണ്ടാഴ്ചത്തേക്ക് നിര്ത്തിവച്ചു. ഒരു ജനപ്രിയ ഫിലിം ഫ്രാഞ്ചൈസിയുടെ അഞ്ചാം ഭാഗം എന്ന നിലയില് പ്രേക്ഷകരില് വലിയ കാത്തിരിപ്പ് ഉണ്ടാക്കിയിരിക്കുന്ന ചിത്രമാണ് ഇനിയും പേരിട്ടിട്ടില്ലാത്ത സിബിഐ സിരീസിലെ അഞ്ചാം ചിത്രം. നവംബര് അവസാന വാരം ചിത്രീകരണം ആരംഭിച്ച ചിത്രത്തില് മമ്മൂട്ടി ജോയിന് ചെയ്തത് ഡിസംബറിലാണ്. ഫെബ്രുവരിയിൽ ആയിരിക്കും ഇനി ചിത്രം പുനഃരാരംഭിക്കുക എന്നാണ് സൂചന.
Read Also: കെ-റെയില്; സര്വേകല്ലുകള് താല്കാലികം മാത്രമെന്ന് കാനം രാജേന്ദ്രന്
