തിരുവനന്തപുരം : സംസ്‌ഥാനത്ത് ഉടൻ നടക്കാൻ പോകുന്ന നിയമസഭാ തിരഞ്ഞെടുപ്പിന് മുന്നോടിയായി ഡ്യൂട്ടിക്ക് നിയോഗിക്കപ്പെടുന്ന സർക്കാർ ജീവനക്കാർക്കായുള്ള കോവിഡ് മെഗാ വാക്‌സിനേഷന് ഇന്ന് തുടക്കം കുറിക്കും. തിരുവനന്തപുരം ജില്ലയിലാണ് വാക്‌സിനേഷന് തുടക്കം കുറിക്കുന്നത്.
തലസ്‌ഥാന നഗരിയിൽ ജിമ്മി ജോർജ് സ്‌റ്റേഡിയത്തിൽ ഇന്ന് രാവിലെ 9 മണി മുതലാണ് വാക്‌സിനേഷൻ ആരംഭിക്കുക. ഇന്ന് മാത്രം 1000 പേരെ വാക്‌സിൻ സ്വീകരിക്കുന്നതിനായി വിളിച്ചിട്ടുണ്ട്.
തിരുവനന്തപുരം ജില്ലയിൽ മാത്രം തിരഞ്ഞെടുപ്പ് ഡ്യൂട്ടിയിലുള്ള 58,000 പേരുടെ പട്ടികയാണ് വാക്‌സിൻ സ്വീകരിക്കുന്നതിനായി തയ്യാറാക്കിയിരിക്കുന്നത്. എന്നാൽ ഇത്രയധികം പേരുടെ പട്ടിക ലഭിച്ചതിനാൽ തിരഞ്ഞെടുപ്പ് ഡ്യൂട്ടിയുടെ മറവിൽ പലർക്കും കോവിഡ് വാക്‌സിൻ സ്വീകരിക്കാനുള്ള ശ്രമമാണ് നടക്കുന്നതെന്ന് അധികൃതർ സംശയിക്കുന്നു. ഈ സാഹചര്യത്തിൽ വാക്‌സിൻ നൽകുന്ന തിരഞ്ഞെടുപ്പ് ഡ്യൂട്ടിയുള്ള ആളുകളുടെ എണ്ണം 30,000 ആയി കുറച്ചു.
Read also : ആർഎസ്‌എസ്-എസ്‌ഡിപിഐ സംഘര്‍ഷം: ആലപ്പുഴയിൽ 22കാരൻ കൊല്ലപ്പെട്ടു; ജില്ലയിൽ ഹർത്താൽ
