തിരുവനന്തപുരം: നിയമസഭാ തിരഞ്ഞെടുപ്പിനുള്ള മുന്നൊരുക്കങ്ങള്‍ ചര്‍ച്ചചെയ്യാന്‍ സിപിഐ നിര്‍വാഹകസമിതി യോഗം ഇന്ന് തിരുവനന്തപുരത്ത് ചേരും. സ്‌ഥാനാര്‍ഥികള്‍ ആകേണ്ടവരുടെ മാനദണ്ഡവുമായി ബന്ധപ്പെട്ട പ്രാഥമിക ചര്‍ച്ചകള്‍ ഇന്നുണ്ടാകും.
രണ്ടു തവണ ജയിച്ചവരെ ഒഴിവാക്കണമെന്ന നിബന്ധന ഉള്‍പ്പെടെയുള്ള കാര്യങ്ങള്‍ യോഗത്തില്‍ ചര്‍ച്ചയായേക്കാം. തദ്ദേശ തിരഞ്ഞെടുപ്പിന്റെ ജയാപരാജയങ്ങള്‍ വിലയിരുത്തിയ ജില്ലാ ഘടങ്ങളുടെ വിശദമായ റിപ്പോര്‍ട്ട് ഇന്ന് യോഗം പരിശോധിക്കും. സ്‌ഥാനാര്‍ഥികളുമായി ബന്ധപ്പെട്ട മറ്റ് നിര്‍ണായക തീരുമാനങ്ങള്‍ അടുത്ത മാസത്തെ സംസ്‌ഥാന കൗണ്‍സിലാണ് പരിഗണിക്കുക.
Also Read: അഭയ കൊലക്കേസ്; പ്രതികൾ ഇന്ന് ഹൈക്കോടതിയിൽ അപ്പീൽ നൽകും
