തിരുവനന്തപുരം: വരാനിരിക്കുന്ന നിയമസഭാ തിരഞ്ഞെടുപ്പിനുള്ള സിപിഐഎം സ്ഥാനാർഥി പട്ടിക ഇന്ന് പ്രഖ്യാപിക്കും. പ്രതിഷേധമുണ്ടായ പൊന്നാനി ഉള്പ്പെടെയുള്ള മണ്ഡലങ്ങളില് നേരത്തെ തീരുമാനിച്ച സ്ഥാനാർഥികൾ തന്നെയാവും മൽസര രംഗത്ത് ഉണ്ടാവുക.
എതിര് സ്ഥാനാർഥികളെ അറിഞ്ഞ ശേഷമായിരിക്കും ദേവികുളം, മഞ്ചേശ്വരം, മലപ്പുറത്തെ ഒരു സീറ്റ് എന്നിവിടങ്ങളിലെ പ്രഖ്യാപനം. മറ്റെല്ലാ സീറ്റുകളിലെയും സ്ഥാനാർഥികളെ ഇന്നുതന്നെ പ്രഖ്യാപിക്കും. ലോക്സഭാ തിരഞ്ഞെടുപ്പില് മൽസരിച്ചവരില് നാലുപേര്ക്ക് സ്ഥാനാർഥികളാകാന് ഇളവ് നൽകിയിരുന്നു. നിലവിലെ പട്ടികയില് മാറ്റം വരണമെങ്കില് പൊളിറ്റ്ബ്യൂറോയാണ് തീരുമാനിക്കേണ്ടത്.
അതോടൊപ്പം ഇടത് മുന്നണിയുടെ പ്രകടനപത്രികയും ഇന്ന് തന്നെ പുറത്തിറക്കിയേക്കും. കഴിഞ്ഞ തവണ 92 സീറ്റില് മൽസരിച്ച സിപിഐഎം ഇത്തവണ 85 സീറ്റുകളിലാണ് ജനവിധി തേടുന്നത്.
Read also: ബിജെപി ദേശ സ്നേഹികളുടെ പാർട്ടി; ഇ ശ്രീധരൻ