ന്യൂഡെല്ഹി: കേന്ദ്ര സര്ക്കാര് കൊണ്ടുവന്ന ദേശീയ തലസ്ഥാന മേഖലാ (ഭേദഗതി) ബില്ലിൽ രാഷ്ട്രപതി രാം നാഥ് കോവിന്ദ് ഒപ്പ് വച്ചു. ഇതോടെ ഡെൽഹി സർക്കാരിന്റെ എതിർപ്പ് മറികടന്ന് പാർലമെന്റ് പാസാക്കിയ ബിൽ നിയമമായി.
ലോക്സഭയിൽ മാർച്ച് 22നും രാജ്യസഭയിൽ 24നും ആണ് ലെഫ്റ്റനന്റ് ഗവർണർക്ക് കൂടുതൽ അധികാരം നൽകുന്ന ബിൽ കേന്ദ്രസർക്കാർ പാസാക്കിയത്. ‘ദ ഗവൺമെന്റ് ഓഫ് നാഷണൽ കാപിറ്റൽ ടെറിട്ടറി ഓഫ് ഡെൽഹി അമൻഡ്മെന്റ് ബിൽ 2021′, അനുസരിച്ച് മുഖ്യമന്ത്രിയെ നിയന്ത്രിക്കാൻ അടക്കമുള്ള അധികാരം ലെഫ്റ്റനന്റ് ഗവർണർക്ക് ബിൽ നൽക്കുന്നു.
ഇതിനെതിരെ ആംആദ്മി വ്യാപക പ്രതിഷേധം ഉയർത്തിയിരുന്നു. ഡെല്ഹിയിലെ ജനങ്ങളെ അപമാനിക്കുന്നതാണ് ബില്ലെന്ന് മുഖ്യമന്ത്രി അരവിന്ദ് കെജ്രിവാള് ആരോപിച്ചു. ജനങ്ങള് വോട്ടു ചെയ്ത് വിജയിപ്പിച്ചവരില് നിന്ന് അധികാരം കവര്ന്നെടുത്ത് ജനങ്ങള് തോല്പ്പിച്ചവര്ക്ക് നല്കുന്നതാണ് ബില്ലെന്ന് ആംആദ്മി ആരോപിച്ചിരുന്നു.
Read Also: അസമിൽ വിമതരായി മൽസരിക്കുന്ന നേതാക്കൾക്കെതിരെ കടുത്ത നടപടിയുമായി ബിജെപി