രാംലീല മൈതാനത്ത് കോൺഗ്രസ് മഹാറാലി; അനുമതി നൽകി ഡെൽഹി പോലീസ്
ഇലക്‌ട്രോണിക്‌ വോട്ടിങ് മെഷീനുകൾക്ക് പകരം ബാലറ്റ് പേപ്പറുകൾ ഉപയോഗിച്ച് തിരഞ്ഞെടുപ്പ് നടത്തുക, ജനാധിപത്യ സംരക്ഷണ മാർച്ചുകൾ സംഘടിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് കോൺഗ്രസ് നവംബർ ഒന്നിന് രാംലീല മൈതാനത്ത് റാലി സംഘടിപ്പിക്കുന്നത്.
ഡെൽഹിയിൽ ഇന്ത്യ സഖ്യം നടത്തിയ പ്രതിഷേധത്തിൽ നിന്ന് / Image Courtesy: Rahul Gandhi FB Page
ന്യൂഡെൽഹി: തീവ്ര വോട്ടർപട്ടിക പരിഷ്‌കരണത്തിനിടെ നവംബർ ഒന്നിന് രാംലീല മൈതാനത്ത് ഇന്ത്യ സഖ്യം നടത്തുന്ന റാലിക്ക് അനുമതി നൽകി ഡെൽഹി പോലീസ്. ഒക്‌ടോബർ 25 മുതൽ നവംബർ മൂന്നുവരെയുള്ള കാലയളവിലേക്കാണ് ഗ്രൗണ്ട് ബുക്ക് ചെയ്യുന്നതിനായി പോലീസിന്റെ അനുമതി ലഭിച്ചിരിക്കുന്നത്.
കഴിഞ്ഞമാസം കോൺഗ്രസ് അധ്യക്ഷൻ മല്ലികാർജുൻ ഖർഗെ പ്രഖ്യാപിച്ച റാലിക്ക് പോലീസ് അനുമതി ലഭിച്ചതോടെ പാർട്ടി പ്രവർത്തകർ തയ്യാറെടുപ്പുകൾ ആരംഭിച്ചുകഴിഞ്ഞു. ജന്തർ മന്തറിൽ പ്രക്ഷോഭങ്ങൾ നിരോധിച്ചതിന് പകരമായി കേന്ദ്രം അനുവദിച്ച സമരകേന്ദ്രങ്ങളിൽ ഒന്നാണ് രാംലീല മൈതാനം.
ഡെൽഹി മുനിസിപ്പൽ കോർപ്പറേഷനിൽ നിന്ന് അന്നേദിവസം മൈതാനത്ത് മറ്റുപരിപാടികൾ ഇല്ലെന്ന് ഉറപ്പുവരുത്തിയ ശേഷമാണ് കോൺഗ്രസ് അനുമതിക്കായി പോലീസിനെ സമീപിച്ചതെന്ന് ഡെപ്യൂട്ടി പോലീസ് കമ്മീഷണർ രോഹിത് രാജ്‌ബീർ സിങ് വ്യക്‌തമാക്കി. സുരക്ഷാ മുൻകരുതലുകൾ വിലയിരുത്തിയാണ് ഡെൽഹി പോലീസ് നിരാപേക്ഷ പത്രം (എൻഒസി) അനുവദിച്ചതെന്നും കമ്മീഷണർ പറഞ്ഞു.
ഇലക്‌ട്രോണിക്‌ വോട്ടിങ് മെഷീനുകൾക്ക് പകരം ബാലറ്റ് പേപ്പറുകൾ ഉപയോഗിച്ച് തിരഞ്ഞെടുപ്പ് നടത്തുക, ജനാധിപത്യ സംരക്ഷണ മാർച്ചുകൾ സംഘടിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് കോൺഗ്രസ് റാലി സംഘടിപ്പിക്കുന്നത്. എസ്‌ഐആറുമായി ബന്ധപ്പെട്ട തീരുമാനങ്ങളിൽ തിരഞ്ഞെടുപ്പ് കമ്മീഷണർമാർ തന്നെ എതിർപ്പുകൾ പ്രകടിപ്പിച്ചതായുള്ള റിപ്പോർട്ടുകൾ പുറത്തുവന്നതിനെ തുടർന്നാണ് കമ്മീഷനെതിരെ ഇന്ത്യ മുന്നണി പ്രതിഷേധം ശക്‌തമാക്കിയത്.
പിന്നാലെ കഴിഞ്ഞ ദിവസങ്ങളിൽ ഇന്ത്യ മുന്നണി ഡെൽഹിയിൽ പ്രതിഷേധ പരിപാടികൾ സംഘടിപ്പിക്കുകയും ചെയ്‌തിരുന്നു. എന്നാൽ, നവരാത്രി ആഘോഷം നടക്കുന്നതിനാൽ ഇന്ത്യ സഖ്യം താൽക്കാലിമായി പ്രതിഷേധങ്ങളിൽ നിന്ന് പിൻമാറിയിട്ടുണ്ട്. എന്നാൽ, ഗ്യാനേഷ് കുമാറിന്റെ രാജിവരെ പ്രതിഷേധവുമായി മുന്നോട്ടുപോകാനാണ് ഇന്ത്യ മുന്നണിയുടെ തീരുമാനം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
