കൊച്ചി: ലക്ഷദ്വീപ് സന്ദർശനത്തിന് അനുമതി നിഷേധിച്ച അഡ്‌മിനിസ്ട്രേഷൻ നടപടിക്കെതിരെ പാർലമെന്റ് അംഗങ്ങളായ എളമരം കരീം, വി ശിവദാസൻ, എഎം ആരിഫ് എന്നിവർ ഹൈക്കോടതിയെ സമീപിച്ചു. ദ്വീപ് സന്ദർശിക്കാൻ അനുമതി തേടിയ ഇടത് എംപിമാരുടെ അപേക്ഷ ഭരണകൂടം തള്ളിയിരുന്നു.
പാർലമെന്റ് അംഗങ്ങൾ നൽകിയ അപേക്ഷ പരിഗണിക്കാൻ ലക്ഷദ്വീപ് ഭരണകൂടം തയ്യാറാകാത്തത് കടുത്ത ജനാധിപത്യ നിഷേധമാണെന്ന് ചൂണ്ടിക്കാട്ടിയാണ് എംപിമാർ ഹൈക്കോടതിയെ സമീപിച്ചത്. ഹരജി നാളെ ഹൈക്കോടതി പരിഗണിക്കും.
നേരത്തെ യുഡിഎഫ് എംപിമാരും സന്ദര്‍ശനാനുമതി തേടി ഹൈക്കോടതിയിൽ ഹരജി നൽകിയിരുന്നു. ഇതിൽ 10 ദിവസത്തിനുള്ളിൽ തീരുമാനം എടുക്കുമെന്നാണ് ദ്വീപ് ഭരണകൂടം നൽകിയിരുന്ന മറുപടി.
Read Also: അറ്റോർണി ജനറൽ കെകെ വേണുഗോപാലിന്റെ കാലാവധി ഒരു വർഷം കൂടി നീട്ടി
