ന്യൂഡെല്ഹി: കോവിഡ് പ്രതിരോധ വാക്സിന് ജനുവരിയില് വിതരണം ചെയ്യാന് സാധിക്കുമെന്ന പ്രതീക്ഷ പങ്കുവെച്ച് കേന്ദ്ര ആരോഗ്യമന്ത്രി ഹര്ഷ വര്ധന്. വാക്സിന്റെ സുരക്ഷക്കും ഫലപ്രാപ്തിക്കുമാണ് പ്രഥമ പരിഗണന നല്കുന്നതെന്നും അദ്ദേഹം പറഞ്ഞു. വാര്ത്ത ഏജന്സിയായ എഎന്ഐയോട് ആയിരുന്നു കേന്ദ്ര മന്ത്രിയുടെ പ്രതികരണം.
‘പ്രഥമ പരിഗണന വാക്സിന്റെ സുരക്ഷക്കും ഫലപ്രാപ്തിക്കുമാണ്. അക്കാര്യത്തില് ഒരു വിട്ടുവീഴ്ചക്കുമില്ല. ജനുവരിയില് കോവിഡ് പ്രതിരോധ വാക്സിന്റെ ആദ്യ ഡോസ് ഇന്ത്യയിലെ ജനങ്ങള്ക്ക് നല്കാന് സാധിക്കുമെന്നാണ് ഞാന് വ്യക്തിപരമായി കരുതുന്നത്’, ഹര്ഷ വര്ധന് അറിയിച്ചു.
Our first priority has been safety & effectiveness of vaccines. We don’t want to compromise on that. I personally feel, maybe in any week of January, we can be in a position to give first COVID vaccine shot to people of India: Union Health Minister Dr Harsh Vardhan to ANI pic.twitter.com/I6rNWc4tad
— ANI (@ANI) December 20, 2020
നിലവില് 3,05,344 സജീവ കേസുകളാണ് രാജ്യത്തുള്ളത്. ഇതുവരെയായി 1,00,31,223 പേര്ക്കാണ് ഇന്ത്യയില് കോവിഡ് സ്ഥിരീകരിച്ചത്. കൂടാതെ 1,45,477 പേര് കോവിഡ് ബാധയെ തുടര്ന്ന് മരണപ്പെടുകയും ചെയ്തു. അതേസമയം ഇതിനോടകം 95,80,402 പേര് രോഗമുക്തി നേടിയതായാണ് ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നത്.
Read Also: ലീഗിനെ വിമർശിച്ചാൽ അതെങ്ങനെയാണ് മുസ്ലിം സമുദായത്തിന് എതിരാവുക?; കെടി ജലീൽ