കൊച്ചി: ഡോളർ കടത്ത് കേസ് സംബന്ധിച്ച് യാതൊരു ആശങ്കയുമില്ലെന്ന് മുൻ സ്‌പീക്കറും നോർക്ക-റൂട്ട്സ് വൈസ് ചെയർമാനുമായ പി ശ്രീരാമകൃഷ്‌ണൻ. കേന്ദ്ര ഏജൻസികളെല്ലാം അന്വേഷിച്ച് നൽകിയ കുറ്റപത്രത്തിൽ ഒന്നും കണ്ടെത്തിയില്ല. ഡോളർ കടത്തുൾപ്പെടെയുള്ള ആരോപണങ്ങളിൽ കഴമ്പില്ലാത്തത് കൊണ്ടാണ് പുതിയ പദവി സർക്കാർ നൽകിയതെന്ന് ശ്രീരാമകൃഷ്‌ണൻ പറഞ്ഞു.
ആരോപണങ്ങളിൽ തനിക്ക് അന്നും ഇന്നും ആശങ്കയില്ലെന്നും ശ്രീരാമകൃഷ്‌ണൻ പറഞ്ഞു. ദുബായിൽ പോയത് മുസ്‌ലിം ലീഗിന്റെ സംഘടന വിളിച്ചിട്ടാണ്. മാദ്ധ്യമങ്ങൾ വഴിയാണ് പല ആരോപണങ്ങളും താൻ അറിഞ്ഞത്. എന്നാൽ അതിലൊന്നും ഒരു വാസ്‌തവുമില്ലെന്ന് തെളിഞ്ഞുവെന്ന് ശ്രീരാമകൃഷ്‌ണൻ പറഞ്ഞു. ലോക കേരള സഭ തുടരുമെന്നും അദ്ദേഹം കൂട്ടിച്ചേര്‍ത്തു. നോർക്ക-റൂട്ട്സ് വൈസ് ചെയർമാനായി ചുമതലേറ്റ ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
Read Also: ഗൗതം ഗംഭീറിന് ഐഎസ് ഭീകരരുടെ വധഭീഷണി
