ന്യൂഡെല്‍ഹി: മഥുരയെ മറ്റൊരു മുസാഫര്‍ നഗര്‍ ആക്കാന്‍ അനുവദിക്കരുതെന്ന് കര്‍ഷക നേതാവ് രാകേഷ് ടിക്കായത്ത്. തീർഥാടന നഗരത്തിലെ സമാധാനം തകര്‍ക്കാന്‍ ആഗ്രഹിക്കുന്ന ശക്‌തികളെ തിരിച്ചറിയണമെന്നും അവരെ വിജയിക്കാന്‍ അനുവദിക്കരുതെന്നും ടിക്കായത്ത് ജനങ്ങളോട് ആവശ്യപ്പെട്ടു.
“മുസാഫര്‍നഗര്‍ പോലെ മഥുരയുടെ അന്തരീക്ഷം നശിപ്പിക്കാന്‍ ആഗ്രഹിക്കുന്ന ആളുകളുടെ ശ്രമം പരാജയപ്പെടുത്തണം. അവരുടെ കെണിയില്‍ വീഴരുത്”- ടിക്കായത്ത് പറഞ്ഞു. അങ്ങനെ വീണാല്‍ കൂടുതല്‍ ആളുകള്‍ തൊഴിലില്ലാത്തവരായി മാറുമെന്നും മഥുര കലാപത്തിലാകുമെന്നും ടിക്കായത്ത് പറഞ്ഞു.
പ്രത്യേകിച്ച് ഒരു പാര്‍ട്ടിയേയും പേരെടുത്ത് പറയാതെയാണ് അദ്ദേഹത്തിന്റെ വിമര്‍ശനം.
Read also: വാട്‌സ്ആപ്പ് ഗ്രൂപ്പ് അംഗങ്ങൾ അയക്കുന്ന സന്ദേശങ്ങൾക്ക് അഡ്‌മിൻ ഉത്തരവാദിയല്ല; കോടതി
