വീടുകളിൽ ഇന്ന് മുതൽ വാക്‌സിനെത്തും; രാജസ്‌ഥാനിൽ പദ്ധതിക്ക് ഇന്ന് തുടക്കം

By Team Member, Malabar News
mallapuram-vaccination

ന്യൂഡെൽഹി : കോവിഡ് വാക്‌സിൻ വീട്ടിലെത്തിക്കുന്ന പദ്ധതിക്ക് ഇന്ന് മുതൽ തുടക്കം കുറിച്ച് രാജസ്‌ഥാൻ. രാജ്യത്ത് പ്രതിദിന കോവിഡ് ബാധിതരുടെ എണ്ണത്തിൽ കുറവ് രേഖപ്പെടുത്തുന്ന സാഹചര്യത്തിലാണ് കോവിഡ് വാക്‌സിൻ വീട്ടിലെത്തിക്കാനുള്ള നടപടികൾ രാജസ്‌ഥാൻ ആരംഭിച്ചത്. കൂടാതെ ഈ പദ്ധതി നടപ്പാക്കുന്ന രാജ്യത്തെ ആദ്യ സംസ്‌ഥാനമെന്ന പ്രത്യേകതയും രാജസ്‌ഥാനുണ്ട്.

സംസ്‌ഥാനത്തെ ബിക്കാനീറിലാണ് വാക്‌സിൻ വീടുകളിൽ എത്തിക്കുന്ന പദ്ധതി ആരംഭിക്കുന്നത്. 45 വയസിന് മുകളിലുള്ള ആളുകൾക്കാണ് ഈ സേവനം ലഭിക്കുക. ബിക്കാനീർ എന്ന സ്‌ഥലത്തിന് നിലവിലെ ആകെ ജനസംഖ്യ 7 ലക്ഷമാണ്. ഇതിൽ 3.69 ലക്ഷം ആളുകളാണ് ഇതുവരെ വാക്‌സിൻ സ്വീകരിച്ചിട്ടുള്ളത്. വീടുകളിൽ വാക്‌സിൻ എത്തിക്കുന്ന പരിപാടിക്ക് തുടക്കം കുറിക്കുന്നതോടെ വാക്‌സിനേഷൻ സെന്ററുകളിലെ തിക്കും തിരക്കും പരമാവധി ഒഴിവാക്കാൻ സാധിക്കും.

രാജ്യത്ത് നിലവിൽ ഏറ്റവും കുറവ് കോവിഡ് കേസുകൾ പ്രതിദിനം റിപ്പോർട് ചെയ്യുന്നത് തമിഴ്‌നാട്ടിലാണ്. കൂടാതെ കോവിഡ് വ്യാപനം രൂക്ഷമായതിനെ തുടർന്ന് ഡെൽഹിയിൽ ഏർപ്പെടുത്തിയ കർശന നിയന്ത്രണങ്ങൾ ഇന്ന് മുതൽ പിൻവലിക്കും. 255 കോവിഡ് കേസുകളാണ് കഴിഞ്ഞ ദിവസം 24 മണിക്കൂറിൽ സംസ്‌ഥാനത്ത് റിപ്പോർട് ചെയ്‌തത്.

Read also : ഗ്രീൻ കേരള; ചെറുവത്തൂർ പഞ്ചായത്തിൽ നിന്ന് 100 ടൺ മാലിന്യം ശേഖരിച്ചു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE