ആലപ്പുഴയിലെ നവവധുവിന്റെ ആത്‌മഹത്യ; ഭര്‍ത്താവിന്റെ പിതാവും മാതാവും അറസ്‌റ്റിൽ

By Staff Reporter, Malabar News
dowry-case-alappuzha-arrest
Representational Image
Ajwa Travels

ആലപ്പുഴ: വള്ളിക്കുന്നത്ത് 19കാരിയായ നവവധു സുചിത്ര ഭര്‍തൃഗൃഹത്തില്‍ ആത്‍മഹത്യ ചെയ്‌തത്‌ സ്‍ത്രീധന പീഡനം മൂലമെന്ന് പോലീസ്. സം‍ഭവവുമായി ബന്ധപ്പെട്ട് സുചിത്രയുടെ ഭര്‍ത്താവ് വിഷ്‌ണുവിന്റെ പിതാവിനെയും മാതാവിനെയും പോലീസ് അറസ്‌റ്റ് ചെയ്‌തു.

ലക്ഷ്‌മി ഭവനത്തില്‍ ഉത്തമന്‍, ഭാര്യ സുലോചന എന്നിവരെയാണ് ചെങ്ങന്നൂര്‍ ഡിവൈഎസ്‌പിയുടെ നേതൃത്വത്തിൽ അറസ്‌റ്റ് ചെയ്‌തത്.

ജൂണ്‍ 22നാണ് വീട്ടിലെ കിടപ്പുമുറിയിൽ വള്ളികുന്നം ആറാം വാര്‍ഡില്‍ ലക്ഷ്‌മി ഭവനില്‍ സൈനികനായ വിഷ്‌ണുവിന്റെ ഭാര്യ സുചിത്രയെ മരിച്ച നിലയില്‍ കണ്ടത്. വിഷ്‌ണുവിന്റെ അമ്മയും അച്ഛനും മാത്രമാണ് വീട്ടില്‍ ഉണ്ടായിരുന്നത്.

മൂന്നു മാസം മുമ്പാണ് വിഷ്‌ണുവും സുചിത്രയും വിവാഹിതരായത്‌. 10 ലക്ഷം രൂപ ചോദിച്ച്‌ ഭര്‍ത്താവിന്റെ മാതാപിതാക്കള്‍ നടത്തിയ മാനസിക പീഡനമാണ് ആത്‌മഹത്യയിലേക്ക് നയിച്ചതെന്ന് പോലീസ് അറിയിച്ചു. വിവാഹം കഴിഞ്ഞ് ഒരു മാസത്തിന് ശേഷം സൈനികനായ വിഷ്‌ണു ജോലി സ്‌ഥലമായ ഉത്തരാഖണ്ഡിലേക്ക് പോയിരുന്നു.

കൃഷ്‌ണപുരം കൊച്ചുമുറി സുനില്‍ ഭവനത്തില്‍ സുനില്‍ -സുനിത ദമ്പതികളുടെ മകളാണ് മരണപ്പെട്ട സുചിത്ര.

Most Read: പോലീസിലെ വനിതാ പ്രാതിനിധ്യം 15 ശതമാനമാക്കും; മുഖ്യമന്ത്രി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE