ഇരട്ട ക്‌ളച്ചും 18 വർഷം പഴക്കമുള്ള വാഹനങ്ങളും തുടരും; ഡ്രൈവിങ് സ്‌കൂൾ സമരം അവസാനിച്ചു

ടെസ്‌റ്റ് നടത്തുന്ന വാഹനത്തിൽ ക്യാമറ സ്‌ഥാപിക്കണമെന്ന ആവശ്യം ഡ്രൈവിങ് സ്‌കൂൾ ഉടമകൾ അംഗീകരിച്ചു.

By Trainee Reporter, Malabar News
driving license
Ajwa Travels

തിരുവനന്തപുരം: ഡ്രൈവിങ് ടെസ്‌റ്റ് പരിഷ്‌ക്കരണത്തിനെതിരെ സംസ്‌ഥാനത്തെ ഡ്രൈവിങ് സ്‌കൂൾ ഉടമകൾ നടത്തിവന്ന സമരം അവസാനിപ്പിച്ചു. ഗതാഗത മന്ത്രി കെബി ഗണേഷ് കുമാറുമായി നടത്തിയ ചർച്ചയിലാണ് തീരുമാനം. ഇരട്ട ക്‌ളച്ച് സംവിധാനം തുടരും. ഡ്രൈവിങ് ടെസ്‌റ്റിന്റെ 18 വർഷം വരെ പഴക്കമുള്ള വാഹനങ്ങൾ അനുവദിക്കുമെന്നും മന്ത്രി യോഗത്തിൽ അറിയിച്ചു.

നിലവിലെ മാതൃകയിൽ ആദ്യം ഗ്രൗണ്ട് ടെസ്‌റ്റും തുടർന്ന് റോഡ് ടെസ്‌റ്റും നടത്തും. ടെസ്‌റ്റ് നടത്തുന്ന വാഹനത്തിൽ ക്യാമറ സ്‌ഥാപിക്കണമെന്ന ആവശ്യം ഡ്രൈവിങ് സ്‌കൂൾ ഉടമകൾ അംഗീകരിച്ചു. ടെസ്‌റ്റ് നടത്തുന്ന വാഹനത്തിൽ മോട്ടോർവാഹന വകുപ്പ് ക്യാമറ വാങ്ങി ഘടിപ്പിക്കും. ഇതിലെ ദൃശ്യങ്ങൾ ആറുമാസം വരെ ആർടി ഓഫീസിലെ കമ്പ്യൂട്ടറിൽ സൂക്ഷിക്കും.

ഡ്രൈവിങ് ടെസ്‌റ്റിന് ഈടാക്കുന്ന ഫീസ് ഏകീകരിക്കാൻ സമിതിയെ നിയോഗിക്കും. കെഎസ്ആർടിസി പത്ത് കേന്ദ്രങ്ങളിൽ ഡ്രൈവിങ് സ്‌കൂളുകൾ ആരംഭിക്കുമെന്നും മന്ത്രി യോഗത്തിൽ അറിയിച്ചു. സിഐടിയു ഉൾപ്പടെ ഡ്രൈവിങ് സ്‌കൂൾ ഉടമകളുടെ സംഘടനകൾ ചർച്ചയിൽ പങ്കെടുത്തു. 15 ദിവസമായി സംഘടനകൾ സമരത്തിലായിരുന്നു. നിലവിലെ പരിഷ്‌ക്കരണത്തിൽ നിന്ന് പിന്നോട്ടില്ലെന്ന് നിലപാടെടുത്തിരുന്ന മന്ത്രി സമരം ശക്‌തമായതോടെയാണ് സംഘടനകളെ ചർച്ചക്ക് വിളിച്ചത്.

Most Read| ന്യൂസ് ക്ളിക്ക് കേസ്; പ്രബീർ പുരകായസ്‌തയുടെ അറസ്‌റ്റ് റദ്ദാക്കി സുപ്രീം കോടതി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE