പെരിന്തല്‍മണ്ണ: അഞ്ച് വയസുള്ള കുട്ടിയെ വച്ച് ഡ്രൈവിങ് പരിശീലനം നടത്തിയ രക്ഷിതാവിന്റെ ലൈസന്‍സ് റദ്ദ് ചെയ്‌തു. ഡിസംബര്‍ 31ന് രാവിലെ മണ്ണാര്‍ക്കാട്-പെരിന്തല്‍മണ്ണ റൂട്ടില്‍ ചെറിയ കുട്ടിയെ മോട്ടോര്‍ സൈക്കിള്‍ ഹാന്‍ഡില്‍ നിയന്ത്രിക്കാന്‍ പഠിപ്പിക്കുന്ന വീഡിയോ ദൃശ്യം സഹിതം ലഭിച്ച പരാതിയെ തുടര്‍ന്നാണ് മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്റിന്റെ നടപടി.
തേലക്കാട് സ്വദേശി അബ്‌ദുല്‍ മജീദാണ് കുട്ടിയെ പരിശീലിപ്പിക്കുന്നതെന്നും ഉപയോഗിച്ചിരുന്ന വാഹനം കെഎല്‍ 53 എഫ് 785 നമ്പര്‍ ബുള്ളറ്റ് മോട്ടോര്‍ സൈക്കിളാണെന്നും കണ്ടെത്തി. തുടര്‍ന്ന് പെരിന്തല്‍മണ്ണ ജോയിന്റ് ആര്‍ടിഒ സിയു മുജീബ് നടപടി എടുക്കുകയായിരുന്നു. ഒരു വര്‍ഷത്തേക്കാണ് അബ്‌ദുല്‍ മജീദിന്റെ ലൈസന്‍സ് റദ്ദ് ചെയ്‌തത്.
Read also: സമരാകാശത്തിലെ നക്ഷത്രപഥങ്ങള്‍ ഡോക്യുമെന്ററി ട്രെയ്ലര്‍ പുറത്ത്
