കോഴിക്കോട്: നഗരത്തിലെ ലോഡ്ജില് നിന്നും സിന്തറ്റിക് ലഹരിമരുന്ന് പിടികൂടി. മാവൂര് റോഡിലെ ലോഡ്ജില് നിന്നുമാണ് ലഹരിമരുന്ന് പിടികൂടിയത്. സംഭവത്തിൽ യുവതി ഉള്പ്പടെ എട്ടുപേരെ കസ്റ്റഡിയിൽ എടുത്തതായി നടക്കാവ് പോലീസ് അറിയിച്ചു.
500 ഗ്രാം ഹാഷിഷും ആറ് ഗ്രാം എംഡിഎം ലഹരിമരുന്നുമാണ് പിടികൂടിയത്. ലോഡ്ജില് ലഹരി പാര്ട്ടി നടക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ ആയിരുന്നു റെയ്ഡ്. എക്സൈസ് സംഘവും പരിശോധനയുടെ ഭാഗമായിരുന്നു.
നാലുദിവസമായി ഇവര് ലോഡ്ജില് മൂന്നു റൂമുകളിലായി താമസിച്ചു വരികയാണെന്ന് പരിസരവാസികള് പറഞ്ഞു. ഇവര് ലഹരി ഉപയോഗിക്കുന്നവർ മാത്രമല്ല ലഹരി ഇടപാടുകാർ കൂടിയാണെന്ന് പോലീസ് വ്യക്തമാക്കി. പിടിയിലായ എട്ടുപേരും കോഴിക്കോട് സ്വദേശികളാണ്.
Malabar News: അട്ടപ്പാടിയില് ഊരുമൂപ്പനെ പോലീസ് മര്ദിച്ച സംഭവം; അന്വേഷണത്തിന് പ്രത്യേക സംഘം