കോഴിക്കോട്: മുസ്‌ലിം ലീഗിന്റെ തീവ്ര മതവൽക്കരണം കേരളം അംഗീകരിച്ചില്ലെന്ന സിപിഎം സംസ്‌ഥാന സെക്രട്ടറി എ വിജയരാഘവന്റെ പ്രസ്‌താവനയിൽ പ്രതികരണവുമായി ഇടി മുഹമ്മദ് ബഷീർ എംപി. സിപിഎം ഭൂരിപക്ഷ വർഗീയതയെ ശക്‌തിപ്പെടുത്തുകയാണെന്ന് ഇടി അഭിപ്രായപ്പെട്ടു.
യുഡിഎഫ് വെൽഫെയർ പാർട്ടിയുമായി പരസ്യധാരണയാണ് ഉണ്ടാക്കിയതെങ്കിൽ, സിപിഎം എസ്‌ഡിപിഐയുമായി രഹസ്യധാരണ ഉണ്ടാക്കി, ഇടി പറഞ്ഞു. ബിജെപിക്ക് വഴിയൊരുക്കുന്നതിന് വേണ്ടിയുള്ള ദാസ്യവേലയാണ് സിപിഎം ചെയ്യുന്നത്. ന്യൂനപക്ഷങ്ങളാണ് വർഗീയത ഉണ്ടാക്കുന്നതെന്ന് പ്രചരിപ്പിച്ചുകൊണ്ടുള്ള കുടിലതന്ത്രമാണ് സിപിഎമ്മിന്റേതെന്നും ഇടി കൂട്ടിച്ചേർത്തു.
Read also: ധാർഷ്‌ട്യം മാറ്റിവച്ച് കാർഷിക നിയമങ്ങൾ പിൻവലിക്കൂ; കേന്ദ്രത്തോട് സോണിയ ഗാന്ധി
