ന്യൂഡെൽഹി: രാജ്യത്തെ 5 സംസ്ഥാനങ്ങളിൽ നിയമസഭാ തിരഞ്ഞെടുപ്പ് നടക്കുന്ന സാഹചര്യത്തിൽ കോവിഡ് നിയന്ത്രണങ്ങളിൽ കൂടുതൽ ഇളവുകൾ നൽകി തിരഞ്ഞെടുപ്പ് കമ്മീഷൻ. ഇളവുകൾ പ്രകാരം ഇനിമുതൽ 1000 പേർ വരെ പങ്കെടുക്കുന്ന പൊതുയോഗങ്ങൾക്ക് അനുമതി നൽകിയിട്ടുണ്ട്.
ഹാളുകൾക്കുള്ളിൽ വച്ച് 500 പേർ വരെ പങ്കെടുക്കുന്ന യോഗങ്ങൾക്കും, ഗ്രൗണ്ടുകളിൽ 1000 പേർ വരെ പങ്കെടുക്കുന്ന യോഗങ്ങൾക്കുമാണ് അനുമതി നൽകിയിരിക്കുന്നത്. കൂടാതെ വീടുകളിൽ കയറിയുള്ള പ്രചാരണത്തിന് 20 പേർക്കും പങ്കെടുക്കാവുന്നതാണ്.
എന്നാൽ കോവിഡ് പശ്ചാത്തലത്തിൽ റോഡ് ഷോകൾക്കും, സൈക്കിൾ റാലികൾക്കും ഏർപ്പെടുത്തിയിരുന്ന വിലക്ക് തുടരും. കേന്ദ്ര ആരോഗ്യ സെക്രട്ടറിയുമായും, സംസ്ഥാന ചീഫ് സെക്രട്ടറിമാരുമായും നടത്തിയ ചർച്ചകൾക്ക് ശേഷമാണ് ഇളവുകളുടെ കാര്യത്തിൽ അന്തിമ തീരുമാനമെടുത്തത്.
Read also: പി രാജീവിനും കോടിയേരിക്കും അവകാശലംഘന നോട്ടീസ്