തിരുവനന്തപുരം: ലോകായുക്‌ത നിയമം ഭരണഘടനാ വിരുദ്ധമാണെന്ന പ്രസ്‌താവന നടത്തിയ നിയമമന്ത്രി പി രാജീവ്, സിപിഎം സംസ്‌ഥാന സെക്രട്ടറി കോടിയേരി ബാലകൃഷ്‌ണൻ എന്നിവർക്കെതിരെ അവകാശ ലംഘനത്തിന് നോട്ടീസ് നൽകി. മന്ത്രിയുടെ പ്രസ്‌താവനയും കോടിയേരിയുടെ ലേഖനവും ചൂണ്ടിക്കാട്ടി മാത്യു കുഴൽനാടൻ എംഎൽഎ സ്‌പീക്കർക്ക് നൽകിയ പരാതിയിലാണ് നടപടി.
ലോകായുക്‌ത നിയമം ഭരണഘടനാ വിരുദ്ധമാണെന്ന പ്രസ്‌താവനയിലാണ് നോട്ടീസ്. ലോകായുക്‌ത നിയമത്തിലെ ഏതെങ്കിലും വ്യവസ്‌ഥകൾ ഭരണഘടനാ വിരുദ്ധമാണെന്ന വിധി കോടതികളുടെ ഭാഗത്തുനിന്നുണ്ടായിട്ടില്ല എന്നിരിക്കെ, പ്രസ്‌തുത നിയമത്തിനെതിരെ മന്ത്രി പി രാജീവ് 25, 26 തീയതികളിൽ മാദ്ധ്യമങ്ങളോട് പൊതു പ്രസ്‌താവന നടത്തിയിരുന്നു.സമാനരീതിയിലുള്ള വാദഗതികൾ ഉന്നയിച്ചുകൊണ്ട് കോടിയേരി ബാലകൃഷ്‌ണൻ ഈ മാസം 28ന് ദേശാഭിമാനി ദിനപത്രത്തിൽ ലേഖനവും എഴുതിയിട്ടുണ്ട്. ഇതിനെതിരെയാണ് മാത്യു കുഴൽനാടൻ രംഗത്തെത്തിയത്.
Also Read: ലോകായുക്‌തക്ക് എതിരായ ആരോപണം; കെടി ജലീലിനെതിരെ കോടതിയലക്ഷ്യ ഹരജി
