കോഴിക്കോട്: കാട്ടുപന്നിയുടെ ആക്രമണത്തിൽ അച്ഛനും മകനും പരിക്ക്. പോർങ്ങോട്ടൂർ ദേവസ്വം ക്ളർക്ക് രാധാകൃഷ്‌ണൻ ഉണ്ണികുളം(54), മകൻ അരുൺ ശങ്കർ ആർകെ (27) എന്നിവർക്കാണ് പരിക്കേറ്റത്. പൊയിലങ്ങാടിയിൽ ഇന്ന് പുലർച്ചെ 4.30ന് ആയിരുന്നു സംഭവം. തലക്കും കാലിനും പരിക്കേറ്റ ഇരുവരും ആശുപത്രിയിൽ ചികിൽസയിലാണ്.
ജോലി സ്‌ഥലത്തേക്ക്‌ മകനെ യാത്രയാക്കുന്നതിനായി പുലർച്ചെ 4.30ന് താമരശേരി കെഎസ്ആർടിസി സ്‌റ്റാൻഡിലേക്ക് പോകും വഴിയാണ് ഇവർ സഞ്ചരിച്ച സ്‌കൂട്ടറിന് കുറുകെ കാട്ടുപന്നി ചാടിയത്. അതിവേഗത്തിൽ മുന്നിൽ വന്നു ചാടിയ കാട്ടുപന്നിയെ ഇടിച്ച സ്‌കൂട്ടർ നിയന്ത്രണം വിട്ടു മറിയുകയായിരുന്നു. ഇരുവർക്കും തലക്കാണ് സാരമായി പരിക്കേറ്റത്.
Most Read| കപ്പലുകൾ അക്രമിക്കുന്നവർ ഏത് ആഴക്കടലിൽ ആയാലും ഇന്ത്യ കീഴ്‌പ്പെടുത്തും; രാജ്‌നാഥ്‌ സിങ്
