കോഴിക്കോട്: പയ്യോളിയിൽ പൂജ സ്‌റ്റോറിന് തീപിടിച്ചു. ബീച്ച് റോഡിന് സമീപത്തെ കെട്ടിട സമുച്ചയത്തിൽ പ്രവർത്തിക്കുന്ന ശ്രീലക്ഷ്‌മി ജനറല്‍ പൂജ സ്‌റ്റോറിനാണ് തീപിടിച്ചത്. ശനിയാഴ്‌ച രാവിലെ കട തുറന്നപ്പോഴേക്കും ഒരു ഭാഗം പൂര്‍ണമായും കത്തി നശിച്ചിരുന്നു. മറുവശത്തേക്ക് പടര്‍ന്നെങ്കിലും കടയുടമയും നാട്ടുകാരും ചേര്‍ന്ന് തീ അണച്ചു.
പൂജയ്‌ക്ക് ഉപയോഗിക്കുന്ന നിലവിളക്കുകൾ ഉൾപ്പടെയുള്ള നിരവധി വസ്‌തുക്കളാണ് കത്തി നശിച്ചത്. കൂടാതെ കടയിലെ എസി, ടിവി തുടങ്ങിയവയും അഗ്‌നിക്കിരയായി. പത്ത് ലക്ഷത്തോളം രൂപയുടെ നഷ്‌ടമാണ് വിലയിരുത്തുന്നത്. പയ്യോളി സ്വദേശികളായ ബിനീഷ്, വിജീഷ് എന്നീ സഹോദരൻമാരുടേതാണ് സ്‌ഥാപനം. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക വിലയിരുത്തൽ.
Read also: വിവാഹ വാഗ്‌ദാനം നൽകി പീഡിപ്പിച്ചു; പ്രതി മാസങ്ങൾക്ക് ശേഷം പിടിയിൽ
