കോഴിക്കോട്: വടകരയിൽ ബിജെപി നടത്തിയ ആഹ്ളാദ പ്രകടനത്തിനിടെ പടക്കം പൊട്ടി പ്രവർത്തകന് പരിക്ക്. പുളിയുള്ളതിൽ പ്രവീണിനാണ്(39) പരിക്കേറ്റത്. ഇയാളുടെ വലത് കൈപ്പത്തി തകർന്നു. വടകര ഓർക്കാട്ടേരി കൈപ്രത്തെ ബസ് സ്റ്റോപ്പിനടുത്ത് ഇന്നലെ രാത്രി എട്ടരയോടെയാണ് സംഭവം. ഇയാൾ നിലവിൽ കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിലാണ്.
പ്രകടത്തിനിടെ പ്രവീണിന്റെ കൈയിൽ നിന്ന് പടക്കം പൊട്ടിയതാണെന്നാണ് പോലീസിന്റെ പ്രാഥമിക നിഗമനം. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. അഞ്ച് സംസ്ഥാനങ്ങളിൽ നടന്ന നിയമസഭാ തിരഞ്ഞെടുപ്പിൽ നാലിടത്ത് മികച്ച വിജയം നേടിയതിനെ തുടർന്ന് ജില്ലയിലെ വിവിധ ഭാഗങ്ങളിൽ ബിജെപി ഇന്നലെ ആഹ്ളാദ പ്രകടനം നടത്തിയിരുന്നു.
Most Read: അങ്കണവാടിയിൽ കുഞ്ഞുങ്ങൾക്ക് ആഴ്ചയിൽ 2 ദിവസം മുട്ടയും പാലും നൽകും