ന്യൂ ഡെല്‍ഹി: 2020-21 അദ്ധ്യയന വര്‍ഷത്തെ ഒന്നാം വര്‍ഷ ക്ലാസുകള്‍ നവംബര്‍ 1-ന് ആരംഭിക്കുമെന്ന് യൂണിവേഴ്സിറ്റി ഗ്രാന്‍ഡ് കമ്മീഷന്‍. പുതുതായി ഇറക്കിയ മാര്‍ഗ നിര്‍ദ്ദേശങ്ങളിലാണ് ഇക്കാര്യം വ്യക്തമാക്കിയത്. അതിന് മുന്‍പ് ഒക്റ്റോബർ മാസത്തോടെ വിദ്യാര്‍ത്ഥികളുടെ പ്രവേശന നടപടികള്‍ എല്ലാം പൂര്‍ത്തിയാക്കാനാണ് വിദ്യാഭ്യാസ സ്ഥാപനങ്ങള്‍ക്ക് യുജിസിയുടെ നിര്‍ദേശം.
In view of the #COVID19 Pandemic, @ugc_india has issued guidelines on Examinations & Academic Calendar for UG & PG Students for the Session 2020-21.
For more details, visit the UGC website: https://t.co/HTMOrA0jNl#UGCGuidelines pic.twitter.com/1i7xhumDk7
— Dr. Ramesh Pokhriyal Nishank (@DrRPNishank) September 25, 2020
കോവിഡ് വ്യാപനം രൂക്ഷമായ സാഹചര്യത്തില്‍ പ്രവേശന പരീക്ഷകളുടെ ഫലം വൈകുകയാണെങ്കില്‍ ക്ലാസുകള്‍ ആരംഭിക്കാന്‍ നവംബര്‍ 18 വരെ സമയം നീട്ടിനല്‍കും.കേന്ദ്ര വിദ്യാഭ്യാസ മന്ത്രിയായ രമേഷ് പോഖ്‌റിയാല്‍ നിഷാങ്ക് ട്വിറ്ററിലൂടെയാണ് വിവരം പുറത്തുവിട്ടത്. നവംബര്‍ 31-ന് മുന്‍പ് പ്രവേശനവുമായി ബന്ധപ്പെട്ട എല്ലാ നടപടികളും പൂര്‍ത്തീകരിക്കാന്‍ മാര്‍ഗനിര്‍ദേശത്തില്‍ പറയുന്നു.
Read Also: ഇന്ന് മുതല്‍ എം.സി.ഐ ഇല്ല; പകരം നാഷണല്‍ മെഡിക്കല്‍ കമ്മീഷന്‍
