ഡെൽഹി: കേന്ദ്ര സർവകലാശാലകളിലേക്ക് ഉള്ള 2021-22 വർഷത്തെ പൊതു പ്രവേശന പരീക്ഷ ഒഴിവാക്കി. കോവിഡ് വൈറസ് വ്യാപനം കണക്കിലെടുത്താണ് വിദ്യാർഥികൾക്കുള്ള പൊതു പ്രവേശന പരീക്ഷ ഒഴിവാക്കിയതെന്ന് യുജിസി അറിയിച്ചു.
അതേസമയം യുജിസി-പ്ളസ് ടു പരീക്ഷയിലെ മാർക്കുകൾ ആകും പ്രവേശനത്തിനായി ഇത്തവണ പരിഗണിക്കുക. സെപ്തംബർ 30 വരെ പ്രവേശനത്തിനായി അപേക്ഷിക്കാം.
In view of prevailing COVID-19 pandemic, admission process in Central Universities during Acad Session 2021-22, may continue as per past practice.
Central Universities Common Entrance Test (CUCET) may be implemented from Acad Session 2022-23. @dpradhanbjp @EduMinOfIndia @PIBHRD— UGC INDIA (@ugc_india) July 18, 2021
ഒക്ടോബർ ഒന്നിനകം പുതിയ ബിരുദ, ബിരുദാനന്തര ബിരുദ വിദ്യാർഥികളുടെ ക്ളാസുകൾ ആരംഭിക്കാൻ യുജിസി മുഴുവൻ സർവകലാശാലകൾക്കും കോളേജുകൾക്കും കഴിഞ്ഞ ദിവസം നിർദ്ദേശം നൽകിയിരുന്നു.
കൂടാതെ സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ ഉൾപ്പടെയുള്ള സ്കൂൾ ബോർഡുകൾ ജൂലൈ 31നകം ഫലം പ്രഖ്യാപിച്ചു കഴിഞ്ഞാൽ ഉന്നത വിദ്യാഭ്യാസ സ്ഥാപനങ്ങൾ പ്രവേശന പ്രക്രിയ ആരംഭിക്കുമെന്നും യുജിസി വ്യക്തമാക്കി.
Read Also: പാര്ലമെന്റ് വർഷകാല സമ്മേളനം നാളെ തുടങ്ങും; ഇന്ധനവിലയും കോവിഡ് വീഴ്ചയും ആയുധമാക്കാൻ പ്രതിപക്ഷം