കോഴിക്കോട്: ജില്ല കേന്ദ്രീകരിച്ച് സമഗ്രമായ ടൂറിസം പദ്ധതികൾ നടപ്പിലാക്കുമെന്ന് ടൂറിസം-പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ്. ഇതിനായി പ്രത്യേക സമിതി രൂപീകരിക്കുമെന്നും മന്ത്രി പറഞ്ഞു. പദ്ധതികൾക്കായുള്ള രൂപരേഖ ഈ സമിതികളായിരിക്കും തയ്യാറാക്കുന്നത്.
2022 മെയ് മാസത്തിൽ പുതിയ പദ്ധതി തുടങ്ങും. സ്‌ഥിരം ഫുഡ് സ്ട്രീറ്റ് പദ്ധതിയാണ് ആരംഭിക്കുക. കോഴിക്കോട്ടെ ഏറ്റവും വലിയ വ്യാപാര കേന്ദ്രമായ വലിയങ്ങാടി കേന്ദ്രീകരിച്ചാവും ഫുഡ് സ്ട്രീറ്റ് സ്‌ഥാപിക്കുക. കോഴിക്കോട് കോർപറേഷനും ടൂറിസം വകുപ്പും സംയുക്‌തമായാണ് പദ്ധതി നടപ്പിലാക്കുക.
ഒരു സ്‌ഥിരം സംവിധാനമായിട്ടാണ് ഫുഡ് സ്ട്രീറ്റ് വിഭാവന ചെയ്‌തതെന്നും ഭാവിയിൽ മറ്റു നഗരങ്ങളിലേക്ക് പദ്ധതി വ്യാപിപ്പിക്കുമെന്നും മന്ത്രി അറിയിച്ചു. ജില്ലയിലെ ടൂറിസം മേഖലകൾ കേന്ദ്രീകരിച്ച് വിവിധങ്ങളായ പദ്ധതികൾ ആവിഷ്‌ക്കരിച്ച് വിനോദ സഞ്ചാരികളെ ആകർഷിപ്പിക്കുകയാണ് ലക്ഷ്യം.
Most Read: തിരുവിതാംകൂർ ദേവസ്വം ബോർഡിൽ വൻ ക്രമക്കേട്; വഴിപാടുകളിൽ അഴിമതി
