വഡോദര: ഗുജറാത്തിലെ വഡോദരയിൽ രാസവസ്തു നിർമാണ ശാലയിൽ സ്ഫോടനം. അപകടത്തിൽ നാല് പേര് മരിച്ചു. 8 പേർക്ക് പരുക്കേറ്റു. ഗുരുതരമായി പരുക്കേറ്റവരെ ആശുപത്രിയിലേക്ക് മാറ്റി. ഇന്ന് രാവിലെ 10 മണിയോടെയായിരുന്നു സ്ഫോടനം.
ഏതാണ്ട് മൂന്ന് കിലോമീറ്റർ അകലെയുള്ള വീടുകളുടെ ജനൽച്ചില്ലുകൾ പോലും തകരുന്നത്ര ഉഗ്രശേഷിയുള്ള സ്ഫോടനമായിരുന്നു നടന്നത്. തുടർന്ന് ഫയർ ഫോഴ്സും പോലീസും നടത്തിയ പരിശോധനയിൽ ബ്രോയിലർ പൊട്ടിത്തെറിച്ചാണ് അപകടമുണ്ടായതെന്ന് കണ്ടെത്തി.
സ്ഫോടനത്തിൽ പരുക്കേറ്റവരുടെ എണ്ണം വർധിക്കാനിടയുണ്ട് എന്നാണ് പോലീസ് വ്യക്തമാക്കുന്നത്. രക്ഷാപ്രവർത്തനം പുരോഗമിക്കുകയാണ്.
Read also: നീറ്റിൽ പരാജയപ്പെട്ടു; തമിഴ്നാട്ടിൽ വിദ്യാർഥി ആത്മഹത്യ ചെയ്തു