തിരുവനന്തപുരം: രാജ്യത്ത് ഇന്ധനവിലയിൽ ഇന്നും വർധന. തുടർച്ചയായി രണ്ടാം ദിവസമാണ് ഇന്ധനവില ഉയരുന്നത്. പെട്രോൾ ലിറ്ററിന് 90 പൈസയും ഡീസൽ 84 പൈസയുമാണ് വർധിപ്പിച്ചത്. ഇതോടെ രണ്ട് ദിവസം കൊണ്ട് പെട്രോളിന് 1 രൂപ 78 പൈസയും, ഡീസലിന് 1 രൂപ 69 പൈസയുമാണ് കൂടിയത്.
പെട്രോളിന് 88 പൈസയും ഡീസലിന് 85 പൈസയുമാണ് ഇന്നലെ കൂട്ടിയത്. നിലവിൽ എണ്ണക്കമ്പനികൾ എല്ലാ ദിവസവും വില പുതുക്കി നിശ്‌ചയിക്കാൻ തുടങ്ങിയതോടെ ഇനിയുള്ള ദിവസങ്ങളിൽ വില വർധന പ്രതീക്ഷിക്കാവുന്നതാണ്.
5 സംസ്‌ഥാനങ്ങളിലെ തിരഞ്ഞെടുപ്പ് മുന്നില്‍ കണ്ട് ഇന്ധനവില വർധന സര്‍ക്കാര്‍ മരവിപ്പിച്ച സമയത്ത് 82 ഡോളറിനരികെയായിരുന്നു ക്രൂഡ് ഓയിൽ വില. എന്നാൽ അതിപ്പോള്‍ 118 ഡോളറിനരികെ എത്തിയിട്ടുണ്ട്. അതിനാൽ തന്നെ വില പതുക്കെ കൂടാനാണ് സാധ്യത. ഇതോടെ എല്ലാ മേഖലയിലും വില ഉയരും.
Read also: കൊച്ചിയിൽ 2200 കിലോ രക്‌തചന്ദനം പിടികൂടി; അന്വേഷണം
