ന്യൂഡെൽഹി: രാജ്യത്ത് ഇന്ധനവില വീണ്ടും വർധിച്ചു. പെട്രോളിന് 35 പൈസയും ഡീസലിന് 27 പൈസയുമാണ് വർധിച്ചത്. ഇതോടെ കൊച്ചിയിലെ ഇന്നത്തെ പെട്രോൾ വില 101 രൂപ 01 പൈസയായി. ഡീസൽ വില 95 രൂപ 71 പൈസയായി. മുംബൈയിൽ 106.59 രൂപയാണ് ഒരു ലിറ്റർ പെട്രോളിന്റെ വില. ഡെൽഹിയിൽ 100.56ഉം, കൊൽക്കത്തയിൽ 100.62 രൂപയുമാണ് വില.
ചെന്നൈയിൽ ഒരു ലിറ്റർ പെട്രോളിന്റെ വില 101.37 രൂപയും, ബെംഗളൂരുവിൽ 103.93 രൂപയുമാണ്. ഈ മാസം ഇന്ധന വില വർധിക്കുന്നത് ഇത് ആറാം തവണയാണ്. ജൂണിൽ 17 തവണ ഇന്ധനവില വർധിച്ചിരുന്നു. ഇതേ രീതിയിൽ വിലവർധനവ് തുടരുകയാണെങ്കിൽ അധികം വൈകാതെ തന്നെ ഡീസൽ വിലയും നൂറ് കടക്കുമെന്ന് ഉറപ്പായി കഴിഞ്ഞു.
Read Also: കേന്ദ്ര മന്ത്രിമാരിൽ 42 ശതമാനം പേർക്ക് എതിരെയും ക്രിമിനൽ കേസുകൾ; റിപ്പോർട്
