തിരുവനന്തപുരം: രാജ്യത്ത് ഇന്ധന വില ഇന്നും വര്ധിപ്പിച്ചു. പെട്രോള് ലിറ്ററിന് 27 പൈസയും ഡീസല് ലിറ്ററിന് 30 പൈസയുമാണ് കൂട്ടിയത്. ഇതോടെ തിരുവനന്തപുരത്ത് പെട്രോള് ലിറ്ററിന് 96.81 രൂപയും ഡീസലിന് 92.11 രൂപയുമായി. കൊച്ചിയിൽ ഒരു ലിറ്റർ പെട്രോളിന് 94 രൂപ 86 പൈസയും ഡീസലിന് 91 രൂപ 27 പൈസയുമായി. മെയ് മാസം മുതൽ തുടർച്ചയായി വർധിക്കുന്ന ഇന്ധന വില ജൂൺ മാസവും തുടരുകയാണ്.
കേരളമടക്കമുള്ള അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് കഴിഞ്ഞതിന് പിന്നാലെയാണ് രാജ്യത്തെ ഇന്ധനവില വീണ്ടും വർധിപ്പിക്കാൻ തുടങ്ങിയത്. നേരത്തെ തിരഞ്ഞെടുപ്പ് പ്രക്രിയ ആരംഭിച്ചത് മുതല് എണ്ണ കമ്പനികള് വില കൂട്ടിയിരുന്നില്ല. എന്നാൽ ഫലപ്രഖ്യാപനം വന്നതോടെ തുടർച്ചയായ വർധനവാണ് ഉണ്ടാകുന്നത്.
കോവിഡ് പ്രതിസന്ധിക്കൊപ്പം തുടർച്ചയായി ഇന്ധന വിലയിലുണ്ടാകുന്ന വർധന സാധാരണക്കാർക്ക് ഇരുട്ടടിയാകുകയാണ്. ഇന്ധന വില കുറക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് കേന്ദ്ര സർക്കാരിന് കത്തെഴുതിയിരുന്നു.
Also Read: ഇന്ധനവില വർധനയിൽ മിണ്ടാട്ടമില്ല; അമിതാഭ് ബച്ചൻ ഉൾപ്പടെയുള്ള താരങ്ങൾക്ക് കത്തയച്ച് കോൺഗ്രസ്