ന്യൂഡെൽഹി: ജിമെയില്‍ തുറക്കാൻ പോലും സാധ്യമല്ലാത്ത രീതിയിൽ നിശ്‌ചലമായിരിക്കുന്നു. ജിമെയില്‍ തുറക്കാനോ വിവിധ ആവശ്യങ്ങളുമായി ബന്ധപ്പെട്ട ഒടിപി (ഒറ്റത്തവണ പാസ്‌വേർഡ്) സ്വീകരിക്കാനോ ഇന്ത്യയിലാർക്കും സാധിക്കുന്നില്ല എന്നാണ് ലഭ്യമായ വിവരം. ഇന്ത്യ ഉൾപ്പടെയുള്ള നിരവധി രാജ്യങ്ങളിൽ മണിക്കൂറുകളായി ജിമെയിൽ സേവനം തടസപ്പെടുന്നുണ്ട് എന്നാണ് ഉപയോക്‌താക്കൾ പറയുന്നത്.
ജിമെയിലിന് മാത്രമല്ല, ഗൂഗിള്‍ ഡ്രൈവ് അടക്കമുള്ള മറ്റ് ഗൂഗിള്‍ സേവനങ്ങളും ലഭ്യമല്ല. തകരാറിനെ സംബന്ധിച്ച് പഠനം തുടരുന്നതായി ഗൂഗിള്‍ വിശദീകരണം നൽകിയെങ്കിലും എത്ര സമയം കൊണ്ട് പരിഹരിക്കാൻ സാധിക്കുമെന്ന കാര്യത്തിൽ അവർ ഉറപ്പ് പറയുന്നില്ല.
കഴിഞ്ഞ ദിവസം ‘ഗൂഗിള്‍പേ’ യും സമാനമായ പ്രശ്‌നം നേരിട്ടിരുന്നു. പ്ളേ സ്‌റ്റോറിൽ നിന്ന് ഗൂഗിള്‍പേ ആപ്പ് അപ്രത്യക്ഷമാകുകയും 3 മണിക്കൂറിനകം പ്രശ്‌നം പരിഹരിച്ച് തിരിച്ചെത്തുകയും ചെയ്‌തിരുന്നു. ഉപയോക്‌താക്കൾ അവരവരുടെ ഇമെയിൽ ഐഡി നൽകിയാൽ ” താങ്കളുടെ ഇമെയിൽ ഐഡി കണ്ടെത്താൻ സാധിക്കുന്നില്ല” എന്നാണ് ലഭ്യമാകുന്ന വിവരം.
Most Read: പള്ളികളിലെ നിർബന്ധിത കുമ്പസാരം; ഹരജിയിൽ സുപ്രീം കോടതിയുടെ നോട്ടീസ്
