കോഴിക്കോട്: കരിപ്പൂർ വിമാനത്താവളത്തിൽ വീണ്ടും സ്വർണവേട്ട. കസ്റ്റംസ് അധികൃതരെ കബളിപ്പിച്ച് വിമാനത്താവളത്തിന് പുറത്തെത്തിച്ച സ്വർണമാണ് വീണ്ടും അധികൃതർ പിടികൂടിയത്. 1.17 കിലോഗ്രാം സ്വർണമിശ്രിതമാണ് കരിപ്പൂർ പോലീസും പ്രത്യേക അന്വേഷണ സംഘവും ചേർന്നു പിടികൂടിയത്.
ഈ മിശ്രിതത്തിൽനിന്ന് 54.5 ലക്ഷം രൂപയുടെ 1.069 കിലോഗ്രാം സ്വർണം ലഭിച്ചതായി പോലീസ് അറിയിച്ചു. ദുബായിൽ നിന്നെത്തിയ പാലക്കാട് കൂടല്ലൂർ മേഴികുന്നുപറമ്പിൽ വീട്ടിൽ സജീഷ്(32) ആണ് കസ്റ്റംസിനെ കബളിപ്പിച്ച് സ്വർണം കടത്താൻ ശ്രമിച്ചത്. ശരീരത്തിൽ ക്യാപ്സ്യൂൾ രൂപത്തിൽ ഒളിപ്പിച്ചാണ് സ്വർണം കടത്താൻ ശ്രമം നടന്നത്.
വിമാനത്താവളത്തിൽ എത്തിയ സജീഷിനെ കൂട്ടിക്കൊണ്ടുപോകാൻ എത്തിയ പൊന്നാനി സൗത്ത് പള്ളപ്പുറം എടക്കാട്ട് വീട്ടിൽ സുധീഷിനെയും കാറിനേയും പോലീസ് കസ്റ്റഡിയിൽ എടുത്തിട്ടുണ്ട്. തുടർന്ന് അറസ്റ്റിലായവരെയും കാറും കസ്റ്റംസിന് കൈമാറിയതായും പോലീസ് വ്യക്തമാക്കി.
Read also: കടകൾ ഒഴിപ്പിക്കാൻ എത്തിയ പോലീസുകാർക്ക് നേരെ കോഴിക്കോട് പ്രതിഷേധം