കോഴിക്കോട്: കരിപ്പൂരിൽ വീണ്ടും സ്വർണവേട്ട. അഞ്ച് യാത്രക്കാരിൽ നിന്ന് 2.5 കിലോ സ്വർണം പോലീസ് പിടിച്ചെടുത്തു. കാലിൽ വെച്ചുകെട്ടിയും ബാഗിൽ ഒളിപ്പിച്ച നിലയിലുമായിരുന്നു സ്വർണം. തുടർച്ചയായി പോലീസ് നടത്തിയ പരിശോധനയിലാണ് യാത്രക്കാരെ സ്വർണവുമായി പിടികൂടിയത്.
അഞ്ച് യാത്രക്കാരെ കൊണ്ടുപോകാൻ എയർപോർട്ടിൽ എത്തിയ ഏഴ് പേരെയും ഇവരുടെ നാല് കാറുകളും പോലീസ് പിടിച്ചെടുത്തിട്ടുണ്ട്. ഒരു യാത്രക്കാരനിൽ നിന്ന് സ്വർണം തരി രൂപത്തിലാക്കി കാലിൽ കെട്ടിവെച്ച നിലയിലാണ് പിടികൂടിയത്. കസ്റ്റംസ് പരിശോധന പൂർത്തിയാക്കി എയർപോർട്ടിൽ നിന്ന് പുറത്തേക്കിറങ്ങിയ യാത്രക്കാരിൽ നിന്നാണ് പോലീസ് സ്വർണം പിടിച്ചെടുത്തത്.
വയനാട് സ്വദേശി അബ്ദുൾ റസാഖാണ് കാലിൽ ഒളിപ്പിച്ച് സ്വർണം കടത്തിയത്. കരിപ്പൂരിൽ കസ്റ്റംസിനെ വെട്ടിച്ച് കടത്താൻ ശ്രമിക്കുന്ന സ്വർണം തുടർച്ചയായി പോലീസ് പിടികൂടുന്നുണ്ട്. ഇതിനകം തന്നെ പതിനഞ്ച് കിലോയോളം സ്വർണം പോലീസ് പിടിച്ചെടുത്തു.
Most Read: ശ്രീനിവാസൻ കൊലക്കേസ്; രണ്ടുപേർ കൂടി പിടിയിൽ, അറസ്റ്റ് ഉടൻ