പലരെയും അലട്ടുന്ന പ്രധാന പ്രശ്‌നങ്ങളിൽ ഒന്നാണ് ശരീര ദുർഗന്ധം. നിരവധി ആളുകളിൽ അസ്വസ്‌ഥത സൃഷ്‌ടിക്കുന്ന ഈ പ്രശ്‌നം ശരീരത്തിലെ ബാക്‌ടീരിയകളുടെ പ്രവർത്തനം വഴിയാണ് സംഭവിക്കുന്നത്.
വിയർക്കുന്നത് ഒഴിവാക്കാൻ നമുക്കാകില്ലെങ്കിലും ദുർഗന്ധം ഒരു പരിധി വരെ തടയാനാകും. അതിനുള്ള ചില മാർഗങ്ങൾ പരിചയപ്പെടാം.
കുളിക്കുന്ന വെള്ളത്തില്‍ വാസനത്തൈലം ചേര്‍ക്കുക. അവസാനത്തെ കപ്പ് ശരീരത്തില്‍ ഒഴിക്കുമ്പോള്‍ അതിലാണ് വാസനത്തൈലം ചേര്‍ക്കേണ്ടത്. ഇത് ശരീരത്തിന് കൂളിങ് ഇഫക്റ്റ് സമ്മാനിക്കും. മിന്റ് (പുതിന), ഒരു ടീസ്‌പൂണ്‍ സ്‌ഫടികക്കാരം എന്നിവയും കുളിക്കുന്ന വെള്ളത്തില്‍ ചേര്‍ക്കാവുന്നതാണ്.
സോഡാക്കാരം അഥവാ ബേക്കിംങ് സോഡ പേസ്‌റ്റ് രൂപത്തിലാക്കി, അത് ശരീരം കൂടുതല്‍ വിയര്‍ക്കുന്ന ഭാഗങ്ങളില്‍ പുരട്ടുക. ശരീര ദുര്‍ഗന്ധം അകറ്റാന്‍ ബേക്കിങ് സോഡ വളരെ ഗുണം ചെയ്യും.
ഉരുളക്കിഴങ്ങും മികച്ച ഒരു പ്രതിവിധിയാണ്. വിയര്‍പ്പു കൂടുതലുള്ള ശരീരഭാഗങ്ങളില്‍ ഉരുളക്കിഴങ്ങ് മുറിച്ച് ഉരസാം.
റോസ് വാട്ടര്‍ ഒഴിച്ച് കുളിക്കുന്നത് ദുർഗന്ധം ഒഴിവാക്കാൻ നല്ലതാണ്.
നാരങ്ങാനീരും റോസ് വാട്ടറും ചേര്‍ത്ത് വെള്ളം തലയിലൊഴിച്ചു കുളിക്കുന്നത് മുടിയിലെ ദുര്‍ഗന്ധം അകറ്റും.
ഓർക്കുക: ആരോഗ്യ സംബന്ധമായ വാർത്തകളിൽ പറയുന്ന കാര്യങ്ങൾ അംഗീകൃത ആരോഗ്യ വിദഗ്‌ധരുടെ അഭിപ്രായം തേടാതെ സ്വയം ചെയ്യാൻ പാടുള്ളതല്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
