ന്യൂഡെൽഹി: വടക്കൻ ഡെൽഹിയിലെ രോഹിണി കോടതിയിൽ വെടിവെയ്പ്പ്. ഗുണ്ടാ സംഘങ്ങളാണ് ഏറ്റുമുട്ടിയെതെന്നാണ് ലഭിക്കുന്ന വിവരം. ഏറ്റുമുട്ടലിൽ ഗുണ്ടാത്തലവൻ ജിതേന്ദർ ജോഗി കൊല്ലപ്പെട്ടു. വെടിവെയ്‌പ്പിൽ നിരവധി പേർക്ക് പരുക്കേറ്റു.
അഭിഭാഷകരുടെ വേഷം ധരിച്ച അക്രമികൾ ജിതേന്ദ്രയ്‌ക്ക്‌ നേരെ വെടിയുതിർക്കുക ആയിരുന്നു. ജിതേന്ദ്രയെ ജഡ്‌ജിക്ക് മുന്നിൽ ഹാജരാക്കിയപ്പോഴാണ് സംഭവം. സംഭവ സ്‌ഥലത്ത് വെച്ച് തന്നെ ജിതേന്ദ്ര കൊല്ലപ്പെട്ടുവെന്നും രോഹിണി ഡിസിപി പ്രണവ് തയൽ അറിയിച്ചു.
തുടർന്ന് ഡെൽഹി പോലീസിന്റെ സ്‌പെഷ്യൽ സെൽ നാല് അക്രമികളെ വധിച്ചു. മഹാരാഷ്‌ട്ര കൺട്രോൾ ഓഫ് ഓർഗനൈസ്‌ഡ്‌ ക്രൈം ആക്‌ട് പ്രകാരം ഏപ്രിലിൽ ഡെൽഹി പോലീസിന്റെ പ്രത്യേക സെൽ ആണ് ജിതേന്ദ്രയെ അറസ്‌റ്റ് ചെയ്‌തിരുന്നത്.
Also Read: യുഎസില്‍ വ്യാപാരശാലയില്‍ വെടിവെപ്പ്; രണ്ട് മരണം
