ന്യൂഡെൽഹി: ഉത്തരാഖണ്ഡ് നിയമസഭാ പ്രതിപക്ഷ നേതാവും മുതിർന്ന കോൺഗ്രസ് നേതാവുമായ ഡോ. ഇന്ദിര ഹൃദയേഷ് അന്തരിച്ചു. ഹൃദയാഘാതത്തെ തുടർന്നാണ് മരണം. പാർട്ടി ചുമതലയുള്ള ദേവേന്ദർ യാദവാണ് മരണവാർത്ത പുറത്തുവിട്ടത്.
2012ൽ ഹൽദ് വാനി മണ്ഡലത്തിൽ നിന്ന് എംഎൽഎയായ ഇന്ദിര ഹൃദയേഷ് വിജയ് ബഹുഗുണ, ഹരീഷ് റാവത്ത് സർക്കാരിൽ ധനകാര്യ മന്ത്രിയായിരുന്നു. പാർലമെന്ററി കാര്യം, ഉന്നത വിദ്യാഭ്യാസം, പ്ളാനിങ് എന്നീ വകുപ്പുകളുടെ ചുമതലയും വഹിച്ചിട്ടുണ്ട്. 2017ലെ തിരഞ്ഞെടുപ്പിൽ കോൺഗ്രസ് പരാജയപ്പെട്ടതോടെ പ്രതിപക്ഷ നേതാവായി.
മുതിർന്ന നേതാവിന്റെ മരണത്തിൽ രാഹുൽ ഗാന്ധി അനുസ്മരിച്ചു. ഉത്തരാഖണ്ഡിലെ കോൺഗ്രസ് പാർട്ടിയുടെ ശക്തമായ കണ്ണിയായിരുന്നു ഡോ. ഇന്ദിര ഹൃദയേഷെന്നും പ്രിയപ്പെട്ടവരെ അനുശോചനം അറിയിക്കുവെന്നും രാഹുൽ ട്വീറ്റ് ചെയ്തു.
Read also: കോവിഡ് വാക്സിൻ മോഷ്ടിച്ച് വില്പന; ആരോഗ്യ പ്രവര്ത്തക പിടിയില്