അബുദാബി: യുഎഇയിൽ കനത്ത മൂടൽമഞ്ഞ് രൂപപ്പെടാൻ സാധ്യതയുണ്ടെന്ന് വ്യക്തമാക്കി ദേശീയ കാലാവസ്ഥാ നിരീക്ഷണ കേന്ദ്രം. വെള്ളിയാഴ്ച രാവിലെ പ്രാദേശിക സമയം 11 മണി വരെ ചില പ്രദേശങ്ങളില് കനത്ത മൂടല്മഞ്ഞിന് സാധ്യതയുണ്ടെന്നാണ് മുന്നറിയിപ്പ് നൽകിയിരിക്കുന്നത്. അതിനാൽ തന്നെ വാഹനം ഓടിക്കുന്നവർ കർശന ജാഗ്രത പുലർത്തണമെന്ന് അധികൃതർ വ്യക്തമാക്കി.
അബുദാബിയില് അല് ഷവാമീഖ്, അല് ഷംഖ, ബനിയാസ്, അല് റഹ്ബ, ശഖബൂത്ത് സിറ്റി, അല് ശഹാമ, അല് റീഫ്, അല് ഫലാഹ് എന്നിവിടങ്ങളിലൊക്കെ മൂടല്മഞ്ഞ് രൂപപ്പെട്ടതായി റിപ്പോർട്ടുകൾ സൂചിപ്പിക്കുന്നു. മൂടൽമഞ്ഞിനൊപ്പം പരമാവധി 35 കിലോമീറ്റർ വേഗതയിൽ കാറ്റ് വീശാനും സാധ്യതയുണ്ട്.
എല്ലാ മുന്കരുതല് നടപടികളും സ്വീകരിച്ച് അതീവ ശ്രദ്ധയോടെ മാത്രം വാഹനങ്ങള് ഓടിക്കണമെന്നും ഗതാഗത നിയമങ്ങള് കര്ശനമായി പാലിക്കണമെന്നും അധികൃതര് ആവശ്യപ്പെട്ടു. മുൻകരുതൽ നടപടികളുടെ ഭാഗമായി അബുദാബിയിലെ നിരവധി റോഡുകളില് വാഹനങ്ങളുടെ പരമാവധി വേഗത 80 കിലോമീറ്ററായി പരമിതപ്പെടുത്തി.
Read also: സർക്കാർ അംഗീകാരം; മംഗളൂരുവിൽ മരിച്ചവർക്കും കോവിഡ് ധനസഹായം