കോഴിക്കോട് : ജില്ലയിൽ യുവതിയെ ഭർത്താവ് കഴുത്തറുത്ത് കൊലപ്പെടുത്തിയ നിലയിൽ കണ്ടെത്തി. കൊടിയത്തൂർ ചെറുവാടി പഴംപറമ്പിൽ നാട്ടിക്കല്ലിങ്ങൽ ഷഹീർ(30) ആണ് ഭാര്യ മുഹ്സിലയെ(20) ഉറക്കത്തിനിടയിൽ കൊലപ്പെടുത്തിയത്. ഇരുവരുടെയും വിവാഹം 6 മാസം മുൻപാണ് കഴിഞ്ഞത്.
സംഭവം നടക്കുന്ന സമയത്ത് ബഹളം കേട്ട് മാതാപിതാക്കൾ വാതിൽ തുറക്കാൻ ആവശ്യപ്പെട്ടെങ്കിലും ഷഹീർ തയ്യാറായില്ല. തുടർന്ന് സമീപവാസികൾ എത്തിയതോടെ ഷഹീർ വാതിൽ തുറന്നു പുറത്തേക്ക് ഓടി രക്ഷപെടാൻ ശ്രമിക്കുകയായിരുന്നു. തുടർന്ന് ഇയാളെ പിടികൂടി പോലീസിൽ അറിയിക്കുകയായിരുന്നു. ചൊവ്വാഴ്‌ച പുലർച്ചയോടെയാണ് ഷഹീർ ഭാര്യയെ കൊലപ്പെടുത്തിയത്. മുറിയിൽ രക്‌തത്തിൽ കുളിച്ചു കിടക്കുകയായിരുന്ന മുഹ്സിലയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
വിദേശത്ത് ജോലി ചെയ്‌തിരുന്ന ഷഹീർ വിവാഹശേഷം മടങ്ങി പോയിരുന്നില്ല. കുറച്ചു നാളുകൾക്ക് മുൻപാണ് സ്വന്തം വീട്ടിൽ നിന്നും മുഹ്‌സില ഭർതൃവീട്ടിൽ എത്തിയത്. സംഭവത്തിൽ താമരശേരി ഡിവൈഎസ്‌പി എൻസി സന്തോഷ്, മുക്കം ഇൻസ്‌പെക്‌ടർ എസ് നിസാം എന്നിവരുടെ നേതൃത്വത്തിൽ അന്വേഷണം ആരംഭിച്ചു.
Read also : തിരഞ്ഞെടുപ്പിൽ സീറ്റുകളുടെ കാര്യത്തിൽ വിട്ടുവീഴ്‌ച ഉണ്ടാകും; പിജെ ജോസഫ്
