വിൽപ്പനയിൽ ചരിത്ര നേട്ടവുമായി ഹ്യൂണ്ടായ് മോട്ടോർ ഇന്ത്യ ലിമിറ്റഡ്. (Hyundai Achieves Record in Sales) ഏറ്റവും ഉയർന്ന പ്രതിമാസം വിൽപ്പനയായ 71,641 യൂണിറ്റാണ് ഹ്യൂണ്ടായ് കഴിഞ്ഞ സെപ്റ്റംബറിൽ ലഭിച്ചത്. കമ്പനിയുടെ ചരിത്രത്തിലെ തന്നെ ഏറ്റവും ഉയർന്ന പ്രതിമാസ വിൽപ്പനയാണ് ഇതെന്ന് കൊറിയൻ കാർ നിർമാതാക്കൾ അറിയിച്ചു. 54,241 യൂണിറ്റ് പ്രാദേശിക വിൽപ്പനയും 17,400 യൂണിറ്റ് കയറ്റുമതിയും ചേർന്നാണ് 71,641 യൂണിറ്റ്.
ഇതോടെ, കഴിഞ്ഞ വർഷം സെപ്റ്റംബറെ അപേക്ഷിച്ചു വിൽപ്പന 13.35 ശതമാനം വർധിച്ചു. പ്രാദേശിക വിൽപ്പന 9.13 ശതമാനം വർധിച്ചപ്പോൾ കയറ്റുമതി 28.87 ശതമാനവും വർധിച്ചു. അതേസമയം, വാഹന വിൽപ്പനയുടെ 65 ശതമാനവും എസ്‌യുവികളാണെന്നാണ് കമ്പനി അറിയിപ്പ്. അടുത്തിടെ വിപണിയിൽ എത്തിയ ഹ്യൂണ്ടായ് എക്‌സ്‌റ്ററിനും മികച്ച പ്രതികരണമാണ് ലഭിക്കുന്നത്.
മൈക്രോ എസ്‌യുവിയായ എക്‌സ്‌റ്ററിനായി ഹ്യൂണ്ടായ് 80,000 ബുക്കിങ്ങുകൾ നേടിയതായി ഹ്യൂണ്ടായ് മോട്ടോർ ഇന്ത്യ സിഇഒ തരുൺ ഗാർഗ് വ്യക്‌തമാക്കി. കമ്പനിയുടെ ആഭ്യന്തര വിൽപ്പനയിൽ എസ്‌യുവികളുടെ സംഭാവന 65 ശതമാനത്തിലധികമാണെന്നും അദ്ദേഹം പറഞ്ഞു. 2023 സെപ്റ്റംബറിൽ കമ്പനിയുടെ കയറ്റുമതി 28.87 ശതമാനം ഉയർന്ന് 17,400 യൂണിറ്റിലെത്തി. 2022 സെപ്റ്റംബറിൽ 13,501 യൂണിറ്റുകളാണ് കയറ്റുമതി ചെയ്‌തത്‌.
Tech| ചട്ടലംഘനം; 19 ലക്ഷത്തോളം വീഡിയോകൾ നീക്കം ചെയ്‌ത്‌ യൂട്യൂബ് ഇന്ത്യ
