നിയമ ചട്ടങ്ങൾ ലംഘിച്ചതിനെ തുടർന്ന് 19 ലക്ഷത്തോളം വീഡിയോകൾ നീക്കം ചെയ്ത് യൂട്യൂബ് ഇന്ത്യ (YouTube India). ചട്ടം പാലിക്കാത്തതിന് ലോകത്ത് ഏറ്റവും അധികം വീഡിയോകൾ യൂട്യൂബ് നീക്കം ചെയ്തതും ഇന്ത്യയിലാണ്. ലോകത്താകെ 64.8 ലക്ഷം വീഡിയോകളാണ് യൂട്യൂബ് നീക്കിയത്. മെഷീൻ ലേർണിംഗും ഹ്യൂമൻ റിവ്യൂവേഴ്സും ചേർന്നാണ് വീഡിയോകളിലെ ചട്ടലംഘനങ്ങളിൽ തീരുമാനമെടുത്തത്.
വിദ്വേഷ പ്രസംഗം, അക്രമങ്ങൾ, കുട്ടികളെ ലൈംഗികമായി ദുരൂപയോഗം ചെയ്യുന്ന ഉള്ളടക്കം, സ്പാം എന്നീ വിവിധ നയങ്ങൾ ലംഘിച്ചതിനാണ് നടപടി. ഓരോ രാജ്യത്തും ബാധകമായ നിയമങ്ങളും ചട്ടങ്ങളും പാലിക്കുന്നതിനൊപ്പം ദോഷകരമായ ഉള്ളടക്കത്തിൽ നിന്ന് ഉപയോക്താക്കളെ സംരക്ഷിക്കാനുമാണ് ഇത്തരത്തിൽ വീഡിയോകൾ നീക്കം ചെയ്യലിന് പിന്നിലെന്ന് യൂട്യൂബ് വ്യക്തമാക്കി.
എന്തുകൊണ്ടാണ് വീഡിയോ നീക്കം ചെയ്തതെന്ന് അറിയില്ലെങ്കിൽ, സഹായത്തിനായി യൂട്യൂബ് ഹെൽപ്പ് ഡെസ്ക്കുമായി ബന്ധപ്പെടാം. അതേസമയം, ഒരു വീഡിയോ അബദ്ധവശാൽ നീക്കം ചെയ്യപ്പെട്ടതായി വിശ്വസിക്കുന്നുവെങ്കിൽ, നീക്കം ചെയ്യലിനെതിരെ അപ്പീൽ നൽകാവുന്നതാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
