ന്യൂഡെൽഹി: കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് കഴിഞ്ഞ 24 മണിക്കൂറിനുള്ളിൽ രാജ്യത്ത് റിപ്പോർട് ചെയ്തത് 13,451 പുതിയ കോവിഡ് കേസുകൾ. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 3,42,15,653 ആയി ഉയർന്നു.
14,021 പേരാണ് രാജ്യത്ത് ഒരു ദിവസത്തിനിടെ രോഗമുക്തി നേടിയത്. ഇതുവരെ 3,35,97,339 പേരാണ് രാജ്യത്ത് കോവിഡിൽ നിന്നും മുക്തി നേടിയത്.
അതേസമയം രാജ്യത്തെ ആകെ കോവിഡ് മരണസംഖ്യ 4,55,653 ആയി. 585 മരണങ്ങളാണ് കഴിഞ്ഞ 24 മണിക്കൂറിനിടെ രാജ്യത്ത് റിപ്പോർട് ചെയ്തത്.
നിലവിൽ രാജ്യത്ത് ഏറ്റവും കൂടുതൽ കേസുകൾ റിപ്പോർട് ചെയ്യപ്പെടുന്നത് കേരളത്തിലാണ്. കഴിഞ്ഞ 24 മണിക്കൂറിനുള്ളിൽ 7,163 പേർക്കാണ് സംസ്ഥാനത്ത് കോവിഡ് സ്ഥിരീകരിച്ചത്. 79,122 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 6,960 പേരും കോവിഡ് മരണം സ്ഥിരീകരിച്ചത് 90 പേർക്കുമാണ്.
1,62,661 സജീവ കേസുകളാണ് നിലവിൽ രാജ്യത്തുള്ളത്. 242 ദിവസത്തിനുള്ളിലെ ഏറ്റവും കുറഞ്ഞ നിരക്കാണിത്.
രാജ്യത്ത് വാക്സിനേഷനും പുരോഗമിക്കുകയാണ്. 1,03,53,25,577 വാക്സിൻ ഡോസുകളാണ് ഇതുവരെ വിതരണം ചെയ്തത്. ഇന്നലെ മാത്രം 55,89,124 വാക്സിൻ ഡോസുകൾ രാജ്യത്തുടനീളം വിതരണം ചെയ്തു.
Most Read: 16ആമത് കിഴക്കനേഷ്യൻ ഉച്ചകോടിയിൽ പ്രധാനമന്ത്രി ഇന്ന് പങ്കെടുക്കും