ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 58,419 പുതിയ കോവിഡ് കേസുകൾ കൂടി റിപ്പോർട് ചെയ്തു. 81 ദിവസത്തിനു ശേഷമാണ് പ്രതിദിന കോവിഡ് കണക്കുകൾ 60,000ൽ താഴെയാകുന്നത്. കഴിഞ്ഞ ദിവസം 1576 മരണങ്ങളുണ്ടായി. 87,619 പേർ രോഗമുക്തി നേടി.
രാജ്യത്തെ ആകെ രോഗബാധിതരുടെ എണ്ണം 2,98,81,965 ആയി. ഇതുവരെ 2,87,66,009 പേരാണ് രോഗമുക്തരായത്. കോവിഡ് ബാധിച്ചു മരിച്ചവരുടെ ആകെ എണ്ണം 3,86,713 ആണ്. നിലവിൽ 7,29,243 പേരാണ് ചികിൽസയിലുള്ളത്.
രാജ്യത്ത് ഇതുവരെ 27,66,93,572 പേർക്ക് വാക്സിൻ നൽകി. കഴിഞ്ഞ ദിവസം 18,11,446 സാംപിളുകൾ പരിശോധിച്ചതായി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) അറിയിച്ചു. പരിശോധിച്ച ആകെ സാംപിളുകളുടെ എണ്ണം 39,10,19,083 ആണ്.
Also Read: കോവിഡ് ബാധിച്ച് മരിച്ചവരുടെ കുടുംബങ്ങൾക്ക് നഷ്ടപരിഹാരം നൽകാനാവില്ല; കേന്ദ്രസർക്കാർ