ന്യൂഡെൽഹി: വലിയ അന്തർവാഹിനി കപ്പലുകൾ നിർമിക്കാൻ ഇന്ത്യൻ നാവികസേന. മനുഷ്യസാന്നിധ്യം വേണ്ട എന്നതാണ് ഇതിന്റെ ഏറ്റവും വലിയ പ്രത്യേകത.
ഇന്ത്യയുടെ കിഴക്ക്- പടിഞ്ഞാറ് തീരപ്രദേശങ്ങളിലെ സമുദ്രശേഷി ശക്‌തിപ്പെടുത്തുകയാണ് ലക്ഷ്യമെന്ന് പ്രതിരോധ മന്ത്രാലയ വൃത്തങ്ങൾ അറിയിച്ചു. ഏകദേശം 100 ടൺ ഭാരമുള്ളതാണ് ഓരോ പുതിയ അന്തർവാഹിനികളും. ആയുധങ്ങൾ, നിരീക്ഷണ ഉപകരണങ്ങൾ എന്നിവയുൾപ്പടെയുള്ള ആധുനിക യുദ്ധസൗകര്യങ്ങളും ഇവയിൽ ഉണ്ടാകും.
ശത്രുവിന്റെ പ്രവർത്തനങ്ങൾ നിരീക്ഷിക്കുന്നതിലും പ്രതിരോധിക്കുന്നതിലും ഇവ നിർണായക പങ്ക് വഹിക്കുമെന്നാണ് വിലയിരുത്തൽ. തീരപ്രദേശങ്ങളിൽ നിന്ന് വളരെ അകലെയുള്ള സമുദ്രങ്ങളിൽ ഇവ വിന്യസിക്കാനാണ് നാവികസേനയുടെ പദ്ധതി.
Most Read| കിളിമഞ്ചാരോ കീഴടക്കി അഞ്ച് വയസുകാരൻ; ഇന്ത്യക്ക് അഭിമാന റെക്കോർഡ്
