ന്യൂഡെൽഹി: കോവിഡ് പ്രതിരോധ വാക്‌സിൻ സ്വീകരിച്ച യാത്രക്കാർക്ക് ടിക്കറ്റ് നിരക്കിൽ ഡിസ്കൗണ്ട് വാഗ്‌ദാനം ചെയ്‌ത്‌ ഇൻഡിഗോ എയർലൈൻസ്. വാക്‌സിന്റെ ഒരു ഡോസ് അല്ലെങ്കിൽ രണ്ട് ഡോസും സ്വീകരിച്ച യാത്രക്കാർക്ക് ടിക്കറ്റ് നിരക്കിന്റെ 10 ശതമാനം വരെയാണ് ഡിസ്കൗണ്ട് ലഭ്യമാവുക. ഇന്നു മുതലാണ് ഓഫർ നിലവിൽ വരികയെന്ന് കമ്പനി പത്രക്കുറിപ്പിൽ അറിയിച്ചു. 18 വയസിന് മുകളിൽ പ്രായമുള്ള യാത്രക്കാർക്കാണ് ഡിസ്കൗണ്ട് ആനുകൂല്യം ലഭിക്കുക.
ടിക്കറ്റ് ബുക്ക് ചെയ്യുന്ന സമയത്ത് ഇന്ത്യയിലുണ്ടായിരിക്കണം എന്നതാണ് മറ്റൊരു നിബന്ധന. ഡിസ്‌കൗണ്ടിന് അർഹത നേടിയ യാത്രക്കാർ, കേന്ദ്ര ആരോഗ്യ മന്ത്രാലയം നൽകുന്ന കോവിഡ് വാക്‌സിനേഷൻ സർട്ടിഫിക്കറ്റ് ഹാജരാക്കണം. അല്ലെങ്കിൽ തങ്ങളുടെ വാക്‌സിനേഷൻ സ്‌റ്റാറ്റസ് ആരോഗ്യ സേതു ആപ്പ് മുഖേന വിമാനത്താവളത്തിലെ ചെക്ക് ഇൻ കൗണ്ടറിൽ കാണിച്ചാൽ മതിയാകും.
Read Also: ദളിത് യുവാവുമായി വിവാഹം; യുപിയിൽ മുസ്‌ലിം യുവതിയുടെ തലമുണ്ഡനം ചെയ്‌തു
