ന്യൂഡെൽഹി: രാജ്യത്ത് വിതരണം ചെയ്യുന്ന കോവിഷീൽഡ് വാക്സിന്റെ രണ്ട് ഡോസുകൾ തമ്മിലുള്ള ഇടവേള കുറച്ചു. ഇനിമുതൽ കോവിഷീൽഡിന്റെ ആദ്യ ഡോസ് സ്വീകരിച്ച ശേഷം 8 മുതൽ 16 ആഴ്ചകൾക്കുള്ളിൽ രണ്ടാമത്തെ ഡോസ് സ്വീകരിക്കാവുന്നതാണ്. വാക്സിനേഷനുള്ള സാങ്കേതിക ഉപദേശക സമിതിയുടെ നിർദ്ദേശത്തെ തുടർന്നാണ് രണ്ട് ഡോസുകൾ തമ്മിലുള്ള ഇടവേള കുറക്കാൻ തീരുമാനമായത്.
സെറം ഇൻസ്റ്റിറ്റ്യൂട്ട് നിർമിക്കുന്ന വാക്സിൻ നേരത്തെ 12 മുതൽ 16 ആഴ്ചത്തെ ഇടവേളയിലാണ് നൽകിയിരുന്നത്. അതിന് പിന്നാലെ ഇടവേള കുറക്കണമെന്ന ആവശ്യം ഉയർന്നെങ്കിലും അത് അംഗീകരിച്ചിരുന്നില്ല. അതിന് പിന്നാലെയാണ് ഇപ്പോൾ കോവിഷീൽഡ് വാക്സിന്റെ ഡോസുകൾ തമ്മിലുള്ള ഇടവേള കുറച്ചത്. അതേസമയം ഭാരത് ബയോടെക് പുറത്തിറക്കുന്ന കൊവാക്സിന്റെ ഡോസുകൾ തമ്മിലുള്ള ഇടവേളയിൽ മാറ്റമില്ല.
Read also: ഇമ്രാൻ ഖാന്റെ പ്രഖ്യാപനം; സബ്സിഡി പാക്കേജിന് ഫണ്ടെവിടെയെന്ന് ഐഎംഎഫ്