മുംബൈ: ഐപിഎൽ സീസൺ- 15ന്റെ മെഗാലേലം അടുക്കുന്നതിനിടെ ഈ വർഷം പുതുതായി ചേർക്കപ്പെട്ട ടീമുകളിലൊന്നായ സഞ്‌ജീവ് ഗോയങ്കയുടെ ഉടമസ്‌ഥതയിലുള്ള ലഖ്‌നൗ ടീം തങ്ങളുടെ പേര് പ്രഖ്യാപിച്ചു. ‘ലഖ്‌നൗ സൂപ്പർ ജയന്റ്‌സ്’ എന്നാണ് ടീമിന്റെ പേര്. സഞ്‌ജീവ് ഗോയങ്കയുടെ ആർപിഎസ്‌ജി ഗ്രൂപ്പ് 7090 കോടിക്കായിരുന്നു ടീമിനെ സ്വന്തമാക്കിയത്.
ലേലത്തിന് മുമ്പ് താരങ്ങളെ തിരഞ്ഞെടുക്കാനുള്ള അവസരത്തിൽ ഇന്ത്യൻ ഓപ്പണർ കെഎൽ രാഹുലിനെ 17 കോടിക്ക് ടീം സ്വന്തമാക്കിയിരുന്നു. രാഹുലായിരിക്കും ടീമിന്റെ ക്യാപ്റ്റൻ. ഐപിഎൽ ചരിത്രത്തിൽ ഏറ്റവും കൂടിയ പ്രതിഫലമാണിത്. ഇതേ പ്രതിഫലത്തിൽ നേരത്തെ വിരാട് കോഹ്‌ലിയും 2018 മുതൽ 2021 വരെ ബെംഗളൂരു ടീമിൽ കളിച്ചിരുന്നു.
And here it is,
Our identity,
Our name…. ??#NaamBanaoNaamKamao #LucknowSuperGiants @BCCI @IPL @GautamGambhir @klrahul11 pic.twitter.com/OVQaw39l3A— Lucknow Super Giants (@LucknowIPL) January 24, 2022
രാഹുലിനെ കൂടാതെ ഓസ്‌ട്രേലിയൻ ഓൾ റൗണ്ടർ മാർക്കസ് സ്‌റ്റോനിസിനെയും ലഖ്‌നൗ സ്വന്തമാക്കിയിരുന്നു. കഴിഞ്ഞ സീസണിൽ ഡെൽഹിയുടെ ഭാഗമായിരുന്ന സ്‌റ്റോനിസിനെ 9.2 കോടിക്കാണ് ലഖ്‌നൗ സ്വന്തമാക്കിയത്. ഇന്ത്യൻ യുവതാരം രവി ബിഷ്‌ണോയിയെയും 4 കോടിക്ക് ടീമിൽ എത്തിച്ചിട്ടുണ്ട്.
Most Read: ദിലീപിനെതിരായ ഗൂഢാലോചന കേസ്; ചോദ്യംചെയ്യൽ ഇന്ന് പൂർത്തിയാകും
